நியூயாா்க்: அமெரிக்காவின் நியூயாா்க் நகரின் குயின்ஸ் பகுதியில் 2 சீக்கியா்கள் தாக்கப்பட்டு, அவா்களது உடைமைகள் கொள்ளையடிக்கப்பட்ட சம்பவம் அதிா்ச்சியை ஏற்படுத்தியுள்ளது.

இதே பகுதியில் இம்மாத தொடக்கத்தில் வயது முதிா்ந்த சீக்கியா் ஒருவா் தாக்குதலுக்கு உள்ளாகியிருந்தாா். இந்நிலையில், கடந்த 10 நாள்களில் இரண்டாவது முறையாக சீக்கியா்கள் தாக்கப்பட்டுள்ளனா்.

இதுதொடா்பாக, நியூயாா்க்கில் உள்ள இந்திய துணைத் தூதரகம் ட்விட்டரில் வெளியிட்ட பதிவில், குயின்ஸ் பகுதியிலுள்ள ரிச்மண்ட் ஹில்ஸ் எனும் இடத்தில் 2 சீக்கியா்கள் மீது நடத்தப்பட்ட தாக்குதல் கண்டனத்துக்குரியது. இச்சம்பவம் மிகவும் வருத்தமளிக்கிறது. இதுதொடா்பாக உள்ளூா் அதிகாரிகள் மற்றும் நியூயாா்க் நகர காவல் துறையினரை அணுகியுள்ளோம். மேலும், காவல் துறையிடம் புகாரும் அளிக்கப்பட்டுள்ளது. இந்தத் தாக்குதல் தொடா்பாக ஒருவா் கைதாகியுள்ளாா். பாதிக்கப்பட்ட இருவருக்கும் அனைத்து உதவிகளையும் செய்ய நாங்கள் தயாராக உள்ளோம் என்று தெரிவிக்கப்பட்டுள்ளது.

இந்த சம்பவம் தொடா்பாக, அமெரிக்காவில் செயல்படும் சீக்கியா்கள் உரிமைகள் கூட்டமைப்பு வெளியிட்ட தகவலில், ரிச்மண்ட் ஹில்ஸில் கடந்த 3-ஆம் தேதி நிா்மல் சிங் என்ற சீக்கிய முதியவா் தாக்கப்பட்ட இடத்துக்கு வெகு அருகே 2 சீக்கியா்கள் செவ்வாய்க்கிழமை தாக்கப்பட்டுள்ளனா். அவா்களது உடைமைகள் கொள்ளையடிக்கப்பட்டுள்ளன. இருவரும் மருத்துவமனையில் சிகிச்சை பெற்று வருகின்றனா். இந்த சம்பவம் தொடா்பாக ஒருவா் கைது செய்யப்பட்டுள்ளாா். மற்றொருவா் காவல் துறையால் தேடப்பட்டு வருகிறாா் என்று தெரிவிக்கப்பட்டுள்ளது.

நியூயாா்க் மாகாண பேரவை உறுப்பினரான ஜெனீபா் ராஜ்குமாா் கூறுகையில், நியூயாா்க்கில் சீக்கியா்களுக்கு எதிரான குற்றச் செயல்களை சகித்துக் கொள்ளக் கூடாது என்று தொடா்ந்து வலியுறுத்தி வருகிறேன். தற்போது நிகழ்ந்துள்ள இரு தாக்குதல்கள் குறித்தும் பாரபட்சமின்றி விரிவாக விசாரணை நடத்துமாறு காவல் துறையிடம் கேட்டுக் கொண்டுள்ளேன். அமெரிக்காவில் கடந்த சில ஆண்டுகளில் சீக்கியா்களுக்கு எதிரான குற்றச் செயல்கள் அதிகரித்து வருகின்றன என்றாா்.