வியாழக்கிழமை 17 ஜனவரி 2019

தமிழகம், புதுச்சேரியில் மிதமான மழைக்கு வாய்ப்பு

DIN | Published: 13th September 2018 04:30 AM


வெப்பச்சலனம் காரணமாக தமிழகம், புதுச்சேரியின் ஒரு சில இடங்களில் ஞாயிற்றுக்கிழமை வரை (செப்.16) இடியுடன் கூடிய மிதமான மழைக்கு வாய்ப்புள்ளது.
இதுகுறித்து சென்னை வானிலை ஆய்வு மையம் புதன்கிழமை வெளியிட்ட செய்திக் குறிப்பு:
சென்னையைப் பொருத்தவரை அடுத்த 48 மணி நேரத்துக்கு வானம் மேகமூட்டத்துடன் காணப்படும். மாலை அல்லது இரவு நேரத்தில் இடியுடன் கூடிய லேசான மழைக்கு வாய்ப்புள்ளது.
பள்ளிப்பத்தில் 70 மி.மீ. மழை: புதன்கிழமை காலை 8.30 மணியுடன் முடிவடைந்த 24 மணி நேரத்தில் தமிழகத்தில் அதிகபட்சமாக தூத்துக்குடி மாவட்டம் பள்ளிப்பத்தில் 70 மி.மீ., திருவண்ணாமலை மாவட்டம் போளூர், கோவை மாவட்டம் சின்னக்கல்லாறில் தலா 50 மி.மீ., திண்டுக்கல் மாவட்டம் வேடசந்தூரில் 40 மி.மீ., திருநெல்வேலி மாவட்டம் பாளையங்கோட்டை, கிருஷ்ணகிரி மாவட்டம் பரூரில் தலா 30 மி.மீ.மழையும் பதிவானது.
திருச்சியில் 102 டிகிரி: தமிழகத்தில் திருச்சியில் அதிகபட்சமாக 102 டிகிரியும், சென்னை, சேலத்தில் தலா 100 டிகிரி வெயிலும் புதன்கிழமை பதிவானது.

 

More from the section

பாலமேடு ஜல்லிக்கட்டு: சீறிப் பாய்ந்த காளைகள்; அடக்க முயன்ற 48 வீரர்கள் காயம்
ஜல்லிக்கட்டு : அவனியாபுரத்தில் 47 பேர் காயம்
ஜல்லிக்கட்டு: பெரியசூரியூரில் 40 பேர் காயம்
ஹைட்ரோ கார்பன் திட்டத்தை எதிர்த்து கருப்புக் கொடி ஆர்ப்பாட்டம்
தஞ்சாவூர் பெரிய கோயிலில் பொங்கல் விழா: 108 கோ பூஜை; மகா நந்திக்கு ஒரு டன் காய்கனி, மலர்களால் அலங்காரம்