சனிக்கிழமை 20 ஜூலை 2019

காவலர்கள் பணி வரன்முறை விவகாரம்:  தமிழக அரசின் மேல்முறையீட்டு மனுவை அவசரமாக விசாரிக்க மறுப்பு

DIN | Published: 12th July 2019 02:18 AM


காவலர்கள் பணி வரன்முறை விவகாரத்தில் தமிழக அரசின் மேல்முறையீட்டு மனுவை அவசரமாக விசாரிக்க உச்சநீதிமன்றம் மறுத்துவிட்டது.
பணி வரன்முறை தொடர்பாக நாகப்பட்டினம் மாவட்டத்தைச் சேர்ந்த ராஜ்குமார் உள்ளிட்ட 168 காவலர்கள் சென்னை உயர்நீதிமன்றத்தில் மனு தாக்கல் செய்திருந்தனர். 
இந்த மனுவை விசாரித்த சென்னை உயர்நீதிமன்றம், மனுதாரர் உள்ளிட்ட 168 காவலர்களையும் 2011-ஆம் ஆண்டில் இருந்து பணி வரன்முறை செய்து அவர்களுக்கான பணப் பலன்களை 6 வார காலத்துக்குள் வழங்க வேண்டும் என உத்தரவிட்டிருந்தது. ஆனால், உயர்நீதிமன்றத்தின் இந்த உத்தரவு அமல்படுத்தப்படவில்லை. இதைத் தொடர்ந்து, 168 பேர் சார்பில் நீதிமன்ற அவமதிப்பு வழக்குத் தொடுக்கப்பட்டது.
 இந்த வழக்கை அண்மையில் விசாரித்த சென்னை உயர்நீதிமன்றம், நீதிமன்ற அவமதிப்பு வழக்கில் தமிழக உள்துறைச் செயலாளர் மற்றும் தமிழக காவல்துறை டிஜிபி ஆகியோர் வரும் 17-ஆம் தேதி நேரில் ஆஜராக வேண்டும் என உத்தரவிட்டு விசாரணையை ஒத்திவைத்தது.
 இதனிடையே, இது தொடர்பாக தமிழக அரசு சார்பில் உச்சநீதிமன்றத்தில் புதன்கிழமை (ஜூலை 10) மேல்முறையீட்டு மனு தாக்கல் செய்யப்பட்டது. 
இந்நிலையில், உச்சநீதிமன்றத் தலைமை நீதிபதி ரஞ்சன் கோகோய் அமர்வில் தமிழக அரசின் கூடுதல் சொலிசிட்டர் ஜெனரல் பாலாஜி ஸ்ரீனிவாசன் வியாழக்கிழமை ஆஜராகி, இந்த மனுவை அவசரமாக வரும் திங்கள்கிழமை விசாரிக்க வேண்டும் என கேட்டுக்கொண்டார். ஆனால், இந்த கோரிக்கையை உச்சநீதிமன்ற தலைமை நீதிபதி அமர்வு நிராகரித்தது.
 

More from the section

கோதாவரி - காவிரியை இணைக்க, மத்திய அரசை தொடர்ந்து வலியுறுத்துவோம்: முதல்வர் எடப்பாடி பழனிசாமி
நீட் வந்த பிறகு அகரம் மூலமாக ஒரு அரசுப் பள்ளி மாணவரைக் கூட மருத்துவராக்க முடியவில்லை: சூர்யா வேதனை!
நவம்பர் 1-ம் தேதி தமிழ்நாடு நாளாக கொண்டாடப்படும்: முதல்வர் எடப்பாடி பழனிசாமி சட்டப்பேரவையில் அறிவிப்பு
விடுதலை வீரர் அர்த்தநாரீச வர்மாவுக்கு நினைவு மண்டபம் அமைக்க வேண்டும்! ராமதாஸ் வலியுறுத்தல்
அணை பாதுகாப்பு மசோதா தமிழகத்துக்கு ஏற்றதல்ல: கவன ஈர்ப்பு தீர்மானம் கொண்டு வந்தார் ஸ்டாலின்