திங்கள்கிழமை 18 பிப்ரவரி 2019

பொங்கல் டிப்ஸ்..

DIN | Published: 09th January 2019 12:00 AM


* சர்க்கரைப் பொங்கல் செய்யும்போது, வெல்லத்தை அப்படியே  சேர்ப்பதற்கு பதில்  வெல்லப்பாகு காய்ச்சி  சேர்த்தால்   சுவை கூடுதலாகவும்,  நீண்ட நேரம்  கெட்டுப்போகாமலும் இருக்கும்.

* இனிப்பு   பொங்கல் செய்யும்போது மொத்தமாக நெய் விடாமல்,  பரிமாறும்போது  பொங்கலின் மீது சிறது நெய் ஊற்றி பரிமாறினால்  நெய் மணமும், சுவையும்  கூடுதலாக இருக்கும்.

* தண்ணீருடன்,  சிறிது   பால் அல்லது  மில்க்மெய்ட்  சேர்த்து  பொங்கல் செய்தால்   சுவை கூடும்.

* சர்க்கரைப் பொங்கல்   பரிமாறும்  போது,  மேலாக  சிறிது  தேங்காய்த் துருவல்,  பொடியாக நறுக்கிய வாழைப்பழம் சேர்த்துக் கொடுக்கலாம்.

* முழு அரிசியில்  பொங்கல் செய்யாமல்,  மிக்சியில்  அரிசியை  ஒன்றிரண்டாக   உடைத்து   செய்தால் விரைவில் வெந்துவிடும். நல்ல குழைவாகவும் இருக்கும். 

* முந்திரி, பாதாமை ஒடித்து போடாமல், மிக்ஸியில்   கரகரப்பாக பொடித்து சேர்த்தால்  இனிப்பு பொங்கலில் சுவை கூடுதலாக இருக்கும். 

* பச்சரிசிக்குப்  பதில், வரகு, சாமை, குதிரை வாலி போன்ற சிறுதானியங்களில் பொங்கல்  செய்தால்  உடலுக்கு சத்தானதாக இருக்கும்.

* அரிசி, பாசிபருப்பை தனித்தனியே வேக வைத்து பின்னர் சேர்த்து கிளறி வெல்லம் சேர்த்தால்  பொங்கல் நன்கு  குழைவாக இருக்கும்.  

More from the section

இதுபுதுசு
பொது நல வழக்குகளின் தாய்! 
பரதத்திலிருந்து கிரிக்கெட்டுக்கு...
நீரிழிவும் உடற்பயிற்சியும்!
கிளிஞ்சல்களும் காசாகலாம்!