Enable Javscript for better performance
என் மகனுக்கு வெள்ளி நகைத் தொழிலில் 12 ஆண்டுகள் அனுபவம் உண்டு. தற்போது தனியாகக் கடை வைத்து தொழில் செய- Dinamani

சுடச்சுட

    

    என் மகனுக்கு வெள்ளி நகைத் தொழிலில் 12 ஆண்டுகள் அனுபவம் உண்டு. தற்போது தனியாகக் கடை வைத்து தொழில் செய்ய விரும்புகிறார். வங்கியில் கடன் வாங்கி கொடுக்கலாமா? தொழிலில் முன்னேற்றம் வருமா? கடன் விரைவில் அடையுமா? எதிர்காலம் எப்படி இருக்கும்? ஆயுள் பலம் எப்படி உள்ளது? - மாணிக்கம், அம்மாபேட்டை

    By DIN  |   Published on : 09th August 2019 10:14 AM  |   அ+அ அ-   |    |  

    உங்கள் மகனுக்கு கடக லக்னம், மிதுன ராசி, புனர்பூசம் நட்சத்திரம். லக்னத்தில் தனாதிபதி களத்திராதிபதி, தைரியாதிபதியாகிய சூரியன், சனி, புத பகவான்கள் இணைந்திருக்கிறார்கள். பாக்கியாதிபதியாகிய குருபகவான் தொழில் ஸ்தானத்தில் அமர்ந்து குடும்ப ஸ்தானத்தையும் அங்கு அமர்ந்திருக்கும் லாபாதிபதியான சுக்கிரபகவானையும் சுக ஸ்தானத்தையும் ஆறாம் வீட்டையும் பார்வை செய்கிறார். பூர்வபுண்ணியாதிபதி லாப ஸ்தானத்தில் கேதுபகவானுடன் இணைந்து இருக்கிறார். தற்சமயம் கேதுபகவானின் தசை நடக்கத் தொடங்கியுள்ளது. அவர் செய்து வரும் தொழில் அவருக்கு ஓரளவு நல்ல வருமானத்தைக் கொடுக்கும் என்றாலும் சொந்தமாகத் தொழில் செய்வது அவருக்கு ஏற்றத்தல்ல. பூர்வீகச் சொத்தை அடமானம் வைத்து தொழில் செய்தால் அது கைவிட்டுப் போய்விடும். பித்ரு தோஷமும் உள்ளதால் வேலைக்குச் செல்வதே சிறப்பாகும். பிரதி ஞாயிற்றுக்கிழமைகளில் சிவபெருமானை வழிபட்டு வரச் சொல்லவும். வருடமொருமுறை குலதெய்வ வழிபாட்டையும் தவறாமல் செய்து வரச் சொல்லவும். மற்றபடி உங்கள் இருவருக்கும் தீர்க்காயுள் உண்டு.

    kattana sevai