உங்கள் மகனுக்கு துலா லக்னம், கும்ப ராசி, அவிட்டம் நட்சத்திரம். லக்னாதிபதி லாப ஸ்தானத்தில் அமர்ந்து பூர்வபுண்ணிய ஸ்தானத்தில் அமர்ந்திருக்கும் தொழில் ஸ்தானாதிபதியால் பார்க்கப்படுகிறார். சுக, பூர்வபுண்ணியாதிபதியான சனிபகவான் களத்திர நட்பு ஸ்தானத்தில் நீச்சபங்க ராஜயோகம் பெற்று குருபகவானுடன் இணைந்து லக்னத்தையும் அங்கு அமர்ந்திருக்கும் வாக்கு ஸ்தானாதிபதியையும் பார்வை செய்கிறார்கள். குருபகவானின் பார்வை லக்னாதிபதியின் மீதும் படிகிறது. தற்சமயம் குருமகா தசையும் நடப்பதால் 2021 -ஆம் ஆண்டு வெளிநாடு சென்று மேற்படிப்பு படிக்க வாய்ப்புள்ளது. பிரதி வியாழக்கிழமைகளில் குருபகவானையும் தட்சிணாமூர்த்தியையும் வழிபட்டு வரவும்.