உங்கள் சகோதரி மகனுக்கு கும்ப லக்னம், கும்ப ராசி, பூரட்டாதி நட்சத்திரம். லக்னாதிபதி களத்திர நட்பு ஸ்தானத்தில் அமர்ந்திருக்கிறார். களத்திர ஸ்தானாதிபதி பூர்வபுண்ணியாதிபதியுடன் தொழில் ஸ்தானத்தில் இணைந்து இருப்பது சிறப்பு. சுக, பாக்கியாதிபதி பாக்கிய ஸ்தானத்தில் ஆட்சி பெற்று அமர்ந்து குருபகவானின் பார்வையை பெறுகிறார். அவருக்கு தற்சமயம் பூர்வபுண்ணியாதிபதியான புதபகவானின் தசையில் சந்திர பகவானின் புக்தி நடப்பதால் அடுத்த ஆண்டு மே மாதத்திற்குள் திருமணம் கைகூடும். பிரதி வியாழக்கிழமைகளில் குருபகவானையும் தட்சிணாமூர்த்தியையும் வழிபட்டு வரவும்.