உங்கள் மகளுக்கு கணிப்பொறியில் கணிக்கப்பட்ட ஜாதகம் சரியானது. அவருக்கு துலாம் லக்னம், கடக ராசி, ஆயில்யம் நட்சத்திரம். லக்னாதிபதி பூர்வபுண்ணிய ஸ்தானத்திலும், சுக பூர்வபுண்ணியாதிபதியான சனிபகவான் சுக ஸ்தானத்தில் அமர்ந்து பாக்கிய ஸ்தானத்தைப் பார்வை செய்வதும் சிறப்பாகும். தன, களத்திர ஸ்தானாதிபதியான செவ்வாய்பகவான் அஷ்டம ஸ்தானத்தில் இருந்து குடும்ப ஸ்தானத்தைப் பார்வை செய்கிறார். தற்சமயம் அவருக்கு லக்னாதிபதியின் தசை நடப்பதால் அடுத்த ஆண்டு ஆகஸ்ட் மாதத்திற்குள் படித்த நல்ல வேலையிலுள்ள வரன் அமைந்து திருமணம் கைகூடும். பிரதி வியாழக்கிழமைகளில் குருபகவானையும் தட்சிணாமூர்த்தியையும் வழிபட்டு வரவும்.