உங்கள் பேரனுக்கு கும்ப லக்னம், சிம்ம ராசி. லக்னாதிபதி லாப ஸ்தானத்திலும் பூர்வபுண்ணியாதிபதி தொழில் ஸ்தானத்திலும் சுக பாக்கியாதிபதி நீச்சபங்க ராஜயோகம் பெற்ற களத்திர ஸ்தானாதிபதியுடன் பாக்கிய ஸ்தானத்தில் ஆட்சி பெற்றும், லாபாதிபதி உச்சம் பெற்றும் அமர்ந்து இருப்பதும் சிறப்பு. தற்சமயம் அயன ஸ்தானத்தில் அமர்ந்து இருக்கும் ராகுபகவானின் தசையில் லக்னாதிபதியின் புக்தி நடக்கின்றது. அவருக்கு அடுத்த ஆண்டு இறுதிக்குள் படித்த நல்ல வேலையிலுள்ள பெண் தெற்கு, தென்கிழக்கு திசையிலிருந்து அமைந்து திருமணம் கைகூடும். தனியார் துறையில் சிறப்பான முன்னேற்றமடைவார். குழந்தைபாக்கியம், மணவாழ்க்கை சீராக அமையும். பிரதி ஞாயிற்றுக்கிழமைகளில் சிவபெருமானை வழிபட்டு வரவும்.