உங்கள் மகனுக்கு விருச்சிக லக்னம், கன்னி ராசி. களத்திர ஸ்தானாதிபதி உச்சம் பெற்றிருப்பது சிறப்பு. லக்னாதிபதியும் களத்திர ஸ்தானத்தில் அமர்ந்திருப்பது சிறப்பு. அதோடு அவர்களை குருபகவானும் பார்வை செய்வது சிறப்பு. சிவராஜயோகம், புதாதித்ய யோகம், குருசந்திர யோகம், குருமங்கள யோகம் ஆகிய சிறப்பான யோகங்கள் உள்ளன. அடுத்த ஆண்டு மார்ச் மாதத்திற்குள் அந்நிய உறவில் பெண் அமைந்து திருமணம் கைகூடும். உங்கள் மகளுக்கு மிதுன லக்னம், சித்திரை நட்சத்திரம், கன்னி ராசி. களத்திர ஸ்தானாதிபதியான குருபகவான் தொழில் ஸ்தானத்தில் ஆட்சி பெற்று, குடும்பம், சுகம் மற்றும் ஆறாம் வீடுகளைப் பார்வை செய்கிறார். தற்சமயம் அவருக்கு குருமகா தசையில் லக்னாதிபதியின் புக்தி நடப்பதால் அவருக்கும் இன்னும் ஒன்றரை ஆண்டுக்குள் திருமணம் கைகூடும். இருவருக்கும் ஜாதகம் சரியாகவே கணிக்கப்பட்டுள்ளது. எதிர்காலம் சிறப்பாக அமையும். பிரதி வியாழக்கிழமைகளில் குருபகவானையும் தட்சிணாமூர்த்தியையும் வழிபட்டு வரவும்.