உங்கள் மகனுக்கு விருச்சிக லக்னம், கன்னி ராசி, அஸ்த நட்சத்திரம், லக்னாதிபதி குடும்ப ஸ்தானத்திலும் குடும்பாதிபதி சுக ஸ்தானத்திலும், பாக்கியாதிபதி லாப ஸ்தானத்திலும் களத்திராதிபதி பூர்வபுண்ணிய ஸ்தானத்திலும் இருப்பது சிறப்பு. தற்சமயம் குருபகவானின் தசையில் குருபகவானுடன் இணைந்திருக்கும் புதபகவானின் புக்தி நடப்பதால் அடுத்த ஆண்டு அக்டோபர் மாதத்திற்குள் படித்த பெண் அமைந்து திருமணம் கைகூடும். தொழில் ஸ்தானாதிபதி பூர்வபுண்ணிய ஸ்தானத்தில் அமர்ந்து உச்சம் பெற்றுள்ள சுக்கிரபகவானுடன் இணைந்திருப்பதால் செய்தொழிலில் நல்ல முன்னேற்றத்தைக் காண்பார். எதிர்காலம் சிறப்பாக அமையும். பிரதி வெள்ளிக்கிழமைகளில் பெருமாளையும் தாயாரையும் வழிபட்டு வரவும்.