44- ஆவது புத்தகக் காட்சி நிறைவு விழா நிகழ்ச்சியில் நீதியரசா் ஆா். மகாதேவன் பேசியதாவது:
‘‘தலைமுறைகளைத் தாண்டி ஒரு சமுதாயத்தினுடைய வரலாற்றினை, பண்பாட்டை பதிவு செய்து மனித இனத்தின் மன அவசங்களை அவா்களுடைய வாழ்விலே சந்திக்கக் கூடிய சிக்கல்களை, அவா்களுக்கான துன்பத்தை, இன்பத்தை வாழ்க்கையிலே ஏற்படக் கூடிய பல்வேறு தாக்கங்களை, அவா்களுக்கான வெற்றியை தோல்வியை அவா்களுக்கான நோய் தாக்குதல்களை , மரணத்தையும் பல்வேறு கூறுகளிலே கண்டு அவற்றைப் படைப்புகளாக செய்த படைப்பாளா்களின் வாழ்க்கைப் பயணம்தான் புத்தகங்களாக மாறி நின்று நம்மிடைய புழங்குகிறது.
ஒரு சமூதாயத்தினுடைய மொழி, பண்பாடு, கலாசாரம் ஆகியவற்றை காலங்களைக் கடந்து நின்று நாம் தரிசிக்க வேண்டும் என்றால், அதற்கான ஒரே வழி புத்தகங்கள். புத்தகங்களுடனான வாழ்க்கை மானுடத்திற்கு எப்போதுமே சித்திக்க வேண்டும் என்பதாகத்தான் பெரும்பான்மையான அறிஞா்கள் தங்கள் கருத்துகளாகப் பதிவு செய்திருக்கிறாா்கள்.
கலை, இலக்கியம், சமுதாயத்தினுடைய போக்கு, இந்த சமுதாயத்தில் ஏற்படக் கூடிய மாற்றங்கள் ஒவ்வொரு மனிதனுக்கும் அவன் சாா்ந்த விஷயங்கள், அவனுடைய புரிதல்கள் வாழ்க்கையைப் பற்றி அவனுடைய சிந்தனை, வாழ்க்கை என்பது ஒரு பயணமாக கொள்ள முடியும்.
அந்த பயணத்திலே மனிதன் அடையக்கூடிய அனுபவங்கள் - அவை சாா்ந்த அனைத்தையுமே பதிவு செய்து, தங்களுடைய அனுபவங்களாக மட்டுமல்லாமல், வாசகா்களுக்கான அனுபவங்களாகவும் மாற்றக் கூடிய தன்மை மிக்கவை புத்தகங்களே.
புத்தகங்களினுடைய பரிச்சயம் மனிதன் தன்னைத் தானே அறிந்து கொள்ளக் கூடிய ஒரு விதமாக மாறக்கூடும்.
உடற்பயிற்சி எப்படி உடலுக்கு நன்மையை செய்யும் என்று நாம் நினைக்கிறோமோ அதேப்போல புத்தகங்களை வாசித்தலும், புத்தகங்களுடனான பரிச்சயமும் உங்கள் மனதை செழுமைப்படுத்தக் கூடியதாக இருக்கும்.
உடலுக்கும், உள்ளத்திற்கும் இரண்டு விதமான பதிப்புகளை நாம் வைத்தால், புத்தகங்கள் எந்த விதத்திலே நம்மை ஆக்கிரமித்துக் கொள்கின்றன என்பதும், புத்தகங்கள் நம் வாழ்க்கையில் ஏற்படுத்தக் கூடிய தாக்கங்கள் என்ன?, மானுடத்தின் வாழ்க்கையைக் கொண்டு செல்லக் கூடியப் பாதையிலே புத்தகங்களினுடையப் பங்கு என்ன என்பதை நம்மால் உணர முடிகிறது. இப்படிப்பட்ட புத்தகங்களை பதிப்பாளா்களின் வாயிலாக நாம் அடைகிறோம்.
இந்தப் பதிப்பாளா்களைப்பற்றி சொல்லும்போது, 1623-இல் ஷேக்ஸ்பியா் எழுதிய 36 நாடகங்கள் கேட்பாரற்றுக் கிடந்தன. அதிலே 18 நாடகங்கள் கையெழுத்து பிரதிகளாகவே ஓா் இடத்தில் போட்டு வைத்திருந்தனா். இது ஷேக்ஸ்பியரின் நண்பா் ஒருவருடைய பாா்வையில் பட்ட காரணத்தினால் அவை தொகுக்கப்பட்டு ‘பா்ஸ்ட் ஹோலியோ’ என்ற பெயரிலே ஆகச் சிறந்த படைப்புகளாக பின்னாளிலே பரிணமித்து வருவதற்கான வாய்ப்புகளை அது உருவாக்கித் தந்தது.
உலகம் தோன்றியதில் இருந்து மனிதன் தன் சிந்தனையை எந்தவிதத்தில் எல்லாம் கொண்டு செலுத்த முடியுமோ - அந்த விதத்தில் எல்லாம் தனக்கானப் படைப்பையும் தனது படைப்பு ஆற்றலையும் அவன் பதிவு செய்து வந்திருக்கிறான்.
குகைகளின்உள்ளே வடிவங்களாக, வரி வடிவங்களாக, ஓவியங்களாக பதிவு செய்வதில் இருந்து தொடங்கி இன்றைய காலகட்டத்தின் கணினி வரை படைப்புகளினுடைய உச்சம் பதிவு செய்யப்பட்டு வந்திருக்கின்றன.
இயல், இசை, நாடகம் என்று நமது தமிழ் அறியப்படுகிறது என்று சொன்னால் இன்றையக் காலகட்டத்திலே இணையத் தமிழ் என்பது நான்காவதாக அதனுடன் இணைந்து வாசகா்களுடைய தேவை என்ன என்பதை பூா்த்தி செய்யக் கூடிய விதத்திலே அமைந்திருக்கிறது.
இப்படியான இந்தப் புத்தகங்களுடனான வாழ்க்கைக்கு அடி நாதமாக இருக்கக் கூடிய பதிப்பாளா்கள், இன்று நேற்றல்ல , அந்த காலம் தொட்டு அவா்களுடைய பங்களிப்பை இந்தத் துறையிலே செலுத்தி வந்திருக்கிறாா்கள்.
வீரமாமுனிவரில் இருந்து எடுத்தாலும் சரி பின்னாளில் வந்த உ.வே.சாமிநாத ஐயா் தொகுத்ததாக இருக்கட்டும். ராகவ ஐயங்காா், கோபால் ஐயங்காா் போன்றவா்கள் செய்தது. வையாபுரி பிள்ளை போன்றவா்களின் பங்களிப்பு, முத்துசாமி கோனாா் தேடித் தேடிச் சென்று சேகரித்த சேகரங்கள் இவைகள் எல்லாம் ஒருபுறத்தில் இருக்கின்றன. என்று சொன்னால், சிறு பத்திரிகைகளும் இலக்கிய தரவுகளுமாக படைப்பு மனிதனின் மனதிலே எப்படி எழுந்து சென்றதோ, அவை அனைத்தும் புத்தகங்களாக்கப்பட்டு வாசகா்களுக்கு அரும் கொடையாக வந்து சோ்ந்தது.
இவற்றை சாதித்துக் காட்டியவா்கள் பதிப்பாளா்கள். பதிப்பாளா்களுடைய இந்தப்பணி ஒரு தவம் என்று பதிவு செய்தால் அதில் எந்தவிதமான மறுப்பு கருத்தும் இருப்பதற்கு இல்லை. அவா்களுடைய வாழ்க்கையிலே உலகத்தினுடைய சாரம் சாா்ந்து இயங்கக்கூடிய அவா்களுடைய வாழ்க்கையிலே பதிப்புத் துறை என்பது இன்றைய காலகட்டத்திலே ஓரளவு முன்னேறி வந்துள்ளது.
அன்றைக்கு கிடைத்தற்கு அரிய அற்புதமான படைப்புகளை எல்லாம் தேடிப் பிடித்து புத்தகங்களாக்கித் தருவதற்கு அவா்கள் பட்ட பாடு என்ன என்பதை 2010-லே ‘புத்தகம் பேசுகிறது’ என்கிற ஒரு புத்தகத்திலே ஒரு தொகுப்பு வந்தது. எப்படிப்பட்ட சிரமங்களுக்கிடைய அற்புதமான படைப்புகள் இந்த மண்ணிலே வந்து விழுந்தன. அவற்றிற்கு பதிப்பாளா்கள் எந்தெந்த விதத்தில் எல்லாம் காரணகா்த்தாவாக இருந்தாா்கள் என்பதை நம்மால் உணா்ந்து கொள்ள முடியும்’’ என்றாா்.