Enable Javscript for better performance
தேசிய பங்குச் சந்தையின் புதிய தலைவர் விக்ரம் மாயே- Dinamani

சுடச்சுட

    

    உலகின் முன்னணி பங்குச் சந்தைகளுள் ஒன்றான தேசிய பங்குச் சந்தையின் (என்.எஸ்.இ.) புதிய தலைமைச் செயல் அதிகாரி மற்றும் நிர்வாக இயக்குநராக விக்ரம் மாயே தேர்வு செய்யப்பட்டார்.
    இதுகுறித்து தகவல்கள் தெரிவிப்பதாவது:
    தேசிய பங்குச் சந்தையின் தலைமைப் பொறுப்பில் இருந்த சித்ரா ராமகிருஷ்ணா திடீரென பதவி விலகினார். இதையடுத்து, இரண்டு மாதங்களுக்குப் பிறகு தேசிய பங்குச் சந்தையின் புதிய தலைமைச் செயல் அதிகாரி மற்றும் நிர்வாக இயக்குநராக விக்ரம் மாயே தேர்ந்தெடுக்கப்பட்டுள்ளார்.
    இதற்கான ஒப்புதலை அசோக் சாவ்லா தலைமையிலான தேசிய பங்குச் சந்தையின் நிர்வாகக் குழு வழங்கியது. இந்த நியமனத்துக்கு பங்குச் சந்தை ஒழுங்காற்று ஆணையமான செபியின் ஒப்புதலையும் பெற வேண்டியதுள்ளது.
    இதையடுத்து, வழக்கமான நடைமுறைகளுக்குப் பிறகு முறையான அறிவிப்பு வெளியிடப்படும் என்று அந்தத் தகவல்கள் தெரிவிக்கின்றன.
    விக்ரம் மாயே தற்போது ஐ.டி.எப்.சி. வங்கியின் நிர்வாக இயக்குநர் மற்றும் தலைமைச் செயல் அதிகாரி பொறுப்பில் உள்ளார் என்பது குறிப்பிடத்தக்கது.
    புதிய பங்கு வெளியீட்டில் களமிறங்கி ரூ.10,000 கோடியை திரட்ட தேவையான நடவடிக்கைகளை தேசிய பங்குச் சந்தை மேற்கொண்டு வருகிறது.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai