Enable Javscript for better performance
டாடா சன்ஸ் குழுமத்தின் தலைவராக என்.சந்திரசேகரன் இன்று பதவியேற்பு- Dinamani

சுடச்சுட

    

    டாடா சன்ஸ் குழுமத்தின் தலைவராக என்.சந்திரசேகரன் இன்று பதவியேற்பு

    By DIN  |   Published on : 21st February 2017 12:56 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    TATAC

    டாடா சன்ஸ் குழுமத்தின் தலைவராக என்.சந்திரசேகரன் செவ்வாய்க்கிழமை பதவியேற்கிறார்.
    முன்னதாக தலைவர் பொறுப்பிலிருந்து சைரஸ் மிஸ்திரி கடந்த ஆண்டு நீக்கப்பட்டார். இதையடுத்து, டாடா கன்சல்டன்ஸி நிறுவனத்தில் தலைமைப் பொறுப்பில் இருந்த என்.சந்திரசேகரன் (54) புதிய தலைவராக கடந்த ஜனவரி மாதம் 12-ஆம் தேதி தேர்ந்தெடுக்கப்பட்டார். இந்நிலையில், அவர் தலைவராக தற்போது பொறுப்பேற்கிறார்.
    "சந்திரா' என்று எல்லோராலும் அன்பாக அழைக்கப்படும் அவர், 150 ஆண்டுகள் பாரம்பரியம் மிக்க டாடா குழுமத்தின் தலைமைப் பொறுப்பை ஏற்கும் பார்சி இனத்தைச் சாராத முதல் நபர் என்பது குறிப்பிடத்தக்கது.
    புதிய பணி சவால் நிறைந்து என்று கருத்து தெரிவித்த அவர், அந்த சவாலை மாறுபட்ட வழிமுறையில் திறமையாக எதிர்கொண்டு வெற்றி பெறுவேன் என்று நம்பிக்கை தெரிவித்துள்ளார்.
    பிரிட்டனில் டாடா ஸ்டீல் நிறுவனம் கையகப்படுத்திய கோரஸ் நிறுவனத்தின் செயல்பாடுகள் எதிர்பார்த்த அளவுக்கு பலனளிக்கவில்லை. இதையடுத்து, அந்நிறுவனத்தின் சொத்துகளை விற்கும் நடவடிக்கையில் டாடா ஸ்டீல் ஏற்கெனவே ஈடுபட்டுள்ளது.
    ஐரோப்பிய யூனியனிலிருந்து பிரிட்டன் பிரிந்து செல்ல முடிவெடுத்துள்ள இந்த வேளையில் இந்த விவகாரத்தைக் கையாளும் பொறுப்பு புதிய தலைவருக்கு உண்மையில் சவாலானதாகும்.
    மேலும், டாடா மோட்டார்ஸின் அனைத்துப் பிரிவுகளையும் லாபகரமாக நடத்த இலக்கு நிர்ணயித்துள்ளது. ரூ.1,000 கோடிக்கும் மேலாக இழப்பை ஏற்படுத்தியுள்ள ரத்தன் டாடாவின் கனவான நானோ கார் திட்டம் குறித்தும் முடிவெடுக்கும் பொறுப்பும் சந்திரசேகரன் மீதே விழுந்துள்ளது.
    நீண்ட தூர மாரத்தான் ஓட்டப்பந்தய வீரரான சந்திரசேகரன் சர்வதேசப் போட்டிகளில் வெற்றிகளைக் குவித்தவர்.
    தடைகள் பல கடந்து வெற்றிகளைக் குவித்த சந்திரசேகரன், ரூ.7 லட்சம் கோடி மதிப்புள்ள உலகளாவிய டாடா குழுமத்தின் நிர்வாகப் பிரச்னைகளை எப்படி சமாளிக்கப் போகிறார் என்பதை அனைவரும் எதிர்நோக்கியுள்ளனர்.

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai