2018-ல் பிரபலமாக விற்பனையாகும் ஏழு சிறந்த ஸ்னீக்கர்கள் (காலணிகள்)

தங்கள் நாளை உற்சாகத்துடனும், ஆர்வத்துடனும் தொடங்க விரும்பும் மக்கள்  ஸ்னீக்கர்களை (காலணிகள்) விரும்புவார்கள். 
2018-ல் பிரபலமாக விற்பனையாகும் ஏழு சிறந்த ஸ்னீக்கர்கள் (காலணிகள்)

தங்கள் நாளை உற்சாகத்துடனும், ஆர்வத்துடனும் தொடங்க விரும்பும் மக்கள்  ஸ்னீக்கர்களை (காலணிகள்) விரும்புவார்கள். தற்பொழுது மாறும் பருவநிலைக்கு ஏற்றாற்போல் நமது உடைகளையும், காலணிகளையும் மாற்றவேண்டும். வரும் கோடைகாலத்தில் இவை மற்ற காலணிகளை விட நமக்கு சுகத்தையும், இன்பத்தையும் மிகுதியாக தரும். 

இவற்றை வாங்கும்பொழுது  அனைவரும் செய்யும்  பிழை பொருந்தாத காலணிகளை வாங்குவது. சில சமையங்களில் நமக்கு வேண்டியதை  விட்டு அழகை பார்த்து  வேறு  ஒன்றை வாங்கிவிடுவோம். அதை  தவிர்த்து  நமது  பயன்பாட்டிற்கேற்ப  வாங்க வேண்டும். நாம் பன்படுத்த,  பயன்படுத்த  அதன் திறன்  அதிகரிக்கும். எனினும்  சில வருடம்  நன்றாக  பயன்படுத்தியவுடன்  அதை  மாற்றுவதே நல்லது. 

2018-ல்  அனைவரும்  விரும்பும்  சில ஸ்னீக்கர்களை (காலணிகள்) காண்போம்.

நைக் ஏர் ஜோர்டன் 1

இவை முதன் முதலில் விற்பனைக்கு  வந்த  காலமான  1985 முதல்  தற்பொழுது  வரை  மற்ற காலணிகளை விட  அதிக காலம் உழைத்து முதல் நிலையில் உள்ளது.  முதலில் வந்த  காலணிகளின் பாரம்பரியத்தை  இன்றும் பேணி வருகிறது.  அனைவரும் விரும்பும் இவை அணிபவரின் அழகை அதிகரிக்கும் என்பதில்  எவ்வித சந்தேகமும் இல்லை. 

அணிபவரின் அழகை அதிகரிக்கும் திறன் கொண்ட இவற்றின் விலை 9000-15000  என்ற அளவில் உள்ளது.  தாம் விரும்பும் வடிவமைப்பிற்கேற்ப  விலை மாறுபடும்.  டி-ஷர்ட் மற்றும்  ஜீன்ஸ்ஸுடன்  இதை அணிவது மிகச் சிறந்த தோற்றத்தை அளிக்கும்.  இவை நைக் இணையதளத்தில்  கிடைக்கும்.  சில சமயங்களில் தள்ளுபடியும் உண்டு.

Vans Old Skool

வான்ஸ் ஓல்டு ஸ்கூல் காலணிகள் GQHQ என்ற அமைப்பால் மிகச்சிறந்த காலணிகள் என்று சென்ற ஆண்டு கூறப்பட்டன.  அதிலிருந்து அவற்றை விரும்பும் மக்களின் எண்ணிக்கை அதிகரித்துள்ளது.

சறுக்குமரம்  விளையாட்டு  விளையாட  சிறப்பானதாக கருதப்படும் இவை 1970 களிலிருந்தே  அனைவரையும் கவர்ந்து வந்துள்ளன. 

சரியான காலணிகளை  வாங்குவது என்பது ஒரு கடிணமான செயல் என்று பார்க்கப்பட்ட காலத்தில் அதை மிகவும் எளிதாக்கியது இவர்களின்  தந்திரம்.  இவற்றின் விலை 2400-4600 என்ற அளவில் நிறத்திற்கேற்ப மாறுபடும்.  தங்களின்  உடைக்கேற்ப  இவற்றை அணிந்து கொள்ளளாம்.  

Adidas Originals ADI-EASE

70 மற்றும் 80களில் மிகப் பிரபலமாக இருந்த இவை தற்பொழுது அதிகம் விற்பனையாகும் காலணிகளில் ஒன்றாக வலம் வருகின்றன. 

மற்ற அனைத்து காலணிகளையும் விட முதன்மையாக விளங்கும் இவை பல நிறங்களில் இருந்தாலும், கருப்பு-வெள்ளை நிறம் கொண்டவற்றை அணிந்தால் தங்களின் தோற்றத்தை மேலும் மெருகேற்றும்.  தங்களை ஒரு விளையாட்டு வீரரைப்போல் காண்பிக்கும் இவை சாதாரண வேலைகளிலும் அணியச் சிறந்தவை. 

இவைதான் இக்கால இளைஞர்களின் முதல் தேர்வாக விளங்குகின்றன. வெள்ளை நிற காலணிகளை அணியும்பொழுது அவ்விடத்திற்கே ஒலி சேர்ப்பதைப்போல் தோன்றும்.

இவற்றை அடிடாஸின்  இணையதளத்திலும்  மற்ற முன்னணி மின்-வணிக இணையதளத்திலும் 6000-9000  என்ற விலையில் வாங்கலாம்.  அவ்வப்பொழுது ஏற்படும் வானிலை மாற்றங்களைப்  போன்று இதன் விலையும் ஏறி-இறங்கும்.  மின்தரா (myntra)  இணையதளத்தில் கூப்பன் குறியீடு கொண்டு  பல தள்ளுபடிகளை பெறலாம்.  இதன்மூலம் அதிக மதிப்புள்ள இவற்றை குறைந்த விளைகொடுத்து வாங்கி மகிழலாம். அடிடாஸ் நியோ என்ற மற்றொரு காலணியும் அதிகமாக விற்பனையாகிறது.

நைக் வேப்பர்கள் மேக்ஸ் (Nike Vapor Max)

நைக் வேப்பர்கள் மேக்ஸ் லணி இந்த தசாப்தத்தின் மிகப் புதுமையான காலணி என்ற பெயரைப் பெற்றுள்ளது. ஒரு குழந்தை தொட்டிலில் தூங்குவதைப் போன்ற மென்மையான சுகம் இக்காலணிகளை அணியும்பொழுது உங்களுக்கு கிடைக்கும். ஆண்கள், பெண்கள் என அனைவரும் அணியக்கூடிய இக்காலணிகள், எதிர்கால சந்ததிகளை மனதில் கொண்டு வடிவமைக்கப்பட்டுள்ளன.

இவற்றை அணிந்தால் உங்களின் தனித்தன்மை வெளிப்படும். இவற்றின் விலை 11000-13000 என்ற வரம்பில் உள்ளது. நைக் இணைய தளத்தில் இவை விற்கப்படுகின்றன. Nike Craft Mars Yard  என்ற வடிவமைப்பின் மூலம் கடினமான மலைப்பாதைகளிலும் இவற்றை பயன்படுத்தலாம்.

Converse All Star

நீண்ட காலமாக விற்பனையில் உள்ள  இவை, சென்ற நூற்றாண்டில்அனைவரின் முதல் தேர்வாக விளங்கி தற்பொழுதும் விற்பனையில் உள்ளன. கூடைப்பந்து போட்டி தொடங்கி மளிகை கடைக்குச் செல்லும் வரை அனைத்திற்கும் இதை பயன்படுத்தலாம்.

இதன் வடிவமைப்பே இதன் தரத்தை உயர்த்தி அனைவரும் அணியும் வண்ணம் அழகுபடுத்தியுள்ளது. இதன் விலை 2000-6000 என்ற வரம்பில் அனைத்து இணையதள அங்காடி விற்பனையரங்குகளிலும் கிடைக்கும். ஒருமுறை இவற்றை வாங்கி விட்டால் காலா காலத்திற்கும் உழைக்கும் தன்மை கொண்டவை இவை.

Adidas Stan Smith

சில காலங்களுக்கு பிறகு மறுபடியும் விற்பனையில் வந்துள்ளன இவை. டென்னிஸ் வீரர்களுக்காக வடிவமைக்கப்பட்ட இவை அனைவராலும் அணியப்படுகின்றன. தினமும் வெளியில் செல்லும் பொழுது ஒருவரேனும் இதை அணிந்து  செல்வதை நம்மால் பார்க்க முடிகிறது.

உயர்தர டென்னிஸ் வீரர்கள் மற்றும் ராக்ஸ்டார்கள் அணிந்து வந்த இவற்றை அனைவரும் அணிய வேண்டும் என்று எண்ணிய நிறுவனம், 4500-8000 என்ற விலையில் காலணிகளை விற்பனை செய்கின்றனர். கருப்பு - வெள்ளை நிற காலணிகள், சட்டை மற்றும் ஜீன்ஸ் பேண்ட்களுடன் அணியும்பொழுது பார்ட்டிகளில் உங்களை தனியாக காட்டும்.அடிடாஸின் இணையதளத்திலும் மற்ற பிரபலமான இணைய தளங்களிலும் இவை கிடைக்கும். குறைந்த விலையில் வாங்க நினைக்கும் மக்கள் அடிதாஸ் நியோ என்ற மாடலை உபயோகிக்கலாம்.

Nike Lunar Epic Low Flyknit

உங்களது பாணியை காண்பிக்க இதை விட வேறு நல்ல காலணிகளை கண்டுபிடிப்பது சிரமம். காம்படிட்டர் பத்திரிக்கையின் 2017க்கான 'சிறந்த ஆசிரியரின் தேர்வு'என்ற விருதைப்பெற்றுள்ளது. தமது காலணிகளை மிகவும் ரசிக்கும் மக்களுக்காக படைக்கப்பட்டவை இவை.

அணிவதற்கு மிகவும் வசதியாக விளங்கும் இவற்றை கடின பாதைகளிலும் செல்ல பயன்படுத்தலாம். இவை 9000-12000 என்ற வரம்பில் விற்கப்படுகின்றன. இவற்றை இணைய தளத்திலும் வாங்கலாம், கடைகளிலும் விற்கப்படுகின்றன. இவற்றை பார்டிகளுக்கும் பயன்படுத்தலாம், விளையாட்டு போட்டிகளுக்கும் அணிந்து செல்லலாம்.

காலணிகளை பருவத்திற்கேற்றாற்போல் மாற்றுவதைப் போன்று நமது உடைகளையும் மாற்றி தோற்றத்தை மெருகேற்ற வேண்டும். நமக்கு பிடித்ததை அணிந்து கொண்டு தன்னம்பிக்கையுடன் செயல்படுவதே நம்மை உயர்த்தும்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com