கடந்த நிதியாண்டில் ஸ்ரீராம் சிட்டி யூனியன் ஃபைனான்ஸ் நிறுவனத்தின் கடைசி காலாண்டு விற்பனை 39 சதவீதம் வளர்ச்சியடைந்துள்ளது.
இதுகுறித்து அந்த நிறுவனம் வியாழக்கிழமை வெளியிட்ட செய்திக்குறிப்பில் தெரிவிக்கப்பட்டுள்ளதாவது:
மார்ச் மாதம் 31-ஆம் தேதியுடன் நிறைவடைந்த கடந்த நிதியாண்டின் நான்காவது காலாண்டில், ஸ்ரீராம் சிட்டி யூனியன் ஃபைனான்ஸ் நிறுவனம் நிர்வகிக்கும் முதலீடுகளின் மதிப்பு ரூ.29,582 கோடியாக அதிகரித்துள்ளது.
மேலும், 3-வது காலாண்டோடு ஒப்பிடுகையில், ஜனவரி மாதம் 1-ஆம் தேதி முதல் மார்ச் மாதம் 31-ஆம் தேதி வரையிலான 4-ஆவது காலாண்டில் கடன் பட்டுவாடாவின் மதிப்பு 44 சதவீதம் அதிகரித்துள்ளது.
முந்தைய நிதியாண்டின் அதே காலகட்டத்தோடு ஒப்பிடுகையில், கடந்த நிதியாண்டின் கடைசி 3 மாதங்களில் நிறுவனத்தின் நிகர லாபம் 39 சதவீதம் அதிகரித்துள்ளது என்று அந்த அறிக்கையில் குறிப்பிடப்பட்டுள்ளது.