Enable Javscript for better performance
பட்ஜெட் வரவேற்பு எதிரொலி: சென்செக்ஸ் 212 புள்ளிகள் அதிகரிப்பு- Dinamani

உடனுக்கு உடன் செய்திகள்

    பட்ஜெட் வரவேற்பு எதிரொலி: சென்செக்ஸ் 212 புள்ளிகள் அதிகரிப்பு

    By DIN  |   Published On : 02nd February 2019 01:09 AM  |   Last Updated : 02nd February 2019 01:09 AM  |  அ+அ அ-  |  

    sensex

    மத்திய அரசு சமர்ப்பித்த பட்ஜெட் அனைத்து தரப்பினரின் வரவேற்பை பெற்றதன் எதிரொலியாக  மும்பை பங்குச் சந்தையில் வெள்ளிக்கிழமை நடைபெற்ற வர்த்தகத்தில்  சென்செக்ஸ் 212 புள்ளிகள் அதிகரித்தது.
    பங்கு வர்த்தகத்தின் தொடக்கத்தில் சந்தை மிகவும் ஏற்ற இறக்கத்துடன் காணப்பட்டது. இந்த நிலையில், மத்திய அரசு சமர்ப்பித்த 2019-2020 நிதி ஆண்டுக்கான பட்ஜெட்டில், நடுத்தர வர்க்கத்தினர், விவசாயிகள் மற்றும் சாமானியர்களை குறி வைத்து ஏராளமான திட்டங்கள் மற்றும் சலுகைகள் அறிவிக்கப்பட்டன. மத்திய அரசின் இந்த பட்ஜெட் அனைத்து தரப்பிலும் வரவேற்பை பெற்றதையடுத்து, பங்குச் சந்தைகளில் வர்த்தகம் விறுவிறுப்படைந்தது.
    மோட்டார் வாகனம், நுகர்வோர் சாதனங்கள், வேகமாக விற்பனையாகும் நுகர்வோர் பொருள்கள் மற்றும் ரியல் எஸ்டேட் துறை குறியீட்டெண் 2.62 சதவீதம் வரை அதிகரித்தன.
    சென்செக்ஸ் பட்டியலில் இடம்பெற்றுள்ள  ஹீரோ மோட்டோகார்ப், மாருதி, ஹெச்சிஎல் டெக், ஏஷியன் பெயின்ட்ஸ், பஜாஜ் ஆட்டோ, பஜாஜ் பைனான்ஸ், ஹெச்டிஎஃப்சி, ரிலையன்ஸ், ஹெச்யுஎல், பார்த்தி ஏர்டெல், பவர் கிரிட் நிறுவனப் பங்குகளின் விலை 7.48 சதவீதம் வரை உயர்ந்தன.
    செலவின அதிகரிப்பால் வேதாந்தா நிறுவனத்தின் மூன்றாம் காலாண்டு ஒட்டுமொத்த நிகர லாபம் 25.54 சதவீதம் சரிந்து ரூ.1,574 கோடியாக குறைந்ததன் எதிரொலியால் அந்நிறுவனப் பங்கின் விலை அதிகபட்சமாக 17.82 சதவீதம் வரை சரிந்தது.
    இதைத் தவிர, யெஸ் வங்கி, எஸ்பிஐ, ஐசிஐசிஐ வங்கி மற்றும் ஆக்ஸிஸ் வங்கி பங்குகளின் விலையும் முதலீட்டாளர்களின் வரவேற்பின்றி 4.68 சதவீதம் வரையிலும் சரிவடைந்தன. மும்பை பங்குச் சந்தையில் வாரத்தின் கடைசி வர்த்தக நாளான வெள்ளிக்கிழமை நடைபெற்ற வர்த்தகத்தில் சென்செக்ஸ் 212 புள்ளிகள் அதிகரித்து 36,469 புள்ளிகளில் நிலைத்தது.
    தேசிய பங்குச் சந்தையில் நடைபெற்ற வர்த்தகத்தில் நிஃப்டி 62 புள்ளிகள் உயர்ந்து 10,893 புள்ளிகளில் நிலைத்தது.
     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp