Enable Javscript for better performance
கார், பைக் விற்பனை 1.87 சதவீதம் சரிவு- Dinamani

சுடச்சுட

    
    car


    பண்டிகை கால விற்பனை மந்தமான நிலையில் இருந்ததையடுத்து  உள்நாட்டில் கார், பைக் விற்பனை சென்ற ஜனவரி மாதத்தில் 1.87 சதவீதம் சரிவைக் கண்டது.
    இதுகுறித்து இந்திய மோட்டார் வாகன உற்பத்தியாளர்கள் சங்கம் (சியாம்) வெள்ளிக்கிழமை வெளியிட்ட புள்ளிவிவரத்தில் தெரிவித்துள்ளதாவது: சென்ற ஜனவரி மாதத்தில் பயணிகள் வாகன விற்பனை 2,80,185- ஆக இருந்தது. கடந்த 2018 ஜனவரி மாத விற்பனையான 2,85,467 வாகனங்களுடன் ஒப்பிடுகையில் இது 1.87 சதவீதம் குறைவாகும்.
    உள்நாட்டில் கார் விற்பனை 1,84,264 என்ற எண்ணிக்கையிலிருந்து 2.65 சதவீதம் சரிந்து 1,79,389-ஆனது. இருசக்கர வாகன விற்பனை 16,84,761-லிருந்து 5.18 சதவீதம் குறைந்து 15,97,572-ஆனது.மோட்டார்சைக்கிள் விற்பனை சென்ற ஜனவரியில் 10,54,757 என்ற எண்ணிக்கையிலிருந்து 2.55 சதவீதம் சரிந்து 10,27,810-ஆக காணப்பட்டது. மொத்த ஸ்கூட்டர் விற்பனை 5,53,695-லிருந்து 10.21 சதவீதம் சரிந்து 4,97,169-ஆனது.
    கார், இருசக்கர வாகன விற்பனை சரிவடைந்த நிலையிலும், வர்த்தக வாகனங்கள் விற்பனை சென்ற ஜனவரியில் சூடுபிடித்து 2.21 சதவீதம் அதிகரித்து 87,591-ஆக காணப்பட்டது. 
    சென்ற ஜனவரியில் அனைத்து பிரிவுகளையும் உள்ளடக்கிய மோட்டார் வாகன விற்பனை  21,18,465 என்ற எண்ணிக்கையிலிருந்து  4.68 சதவீதம் சரிந்து 20,19,331-ஆக இருந்தது என அந்த சங்கத்தின் புள்ளிவிவரத்தில் தெரிவிக்கப்பட்டுள்ளது.
    சியாம் அமைப்பின் துணை தலைமை இயக்குநர் சுகாதோ சென் கூறுகையில், பண்டிகை காலத்தில் வாகனங்கள் விற்பனையாகாமல் தேங்கியுள்ளதால் மந்த நிலை ஏற்பட்டுள்ளது. சென்ற ஜனவரியில் மொத்த விற்பனையை விட சில்லறை  விற்பனை சிறப்பாக  காணப்பட்டது. நடப்பு நிதியாண்டு முடிவடைய எஞ்சியுள்ள இருமாதங்களில் வாகனங்களுக்கான தேவை அதிகரித்து விற்பனை சூடுபிடிக்கும் என எதிர்பார்க்கப்படுகிறது என்றார் அவர்.
     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai