டாடா மோட்டார்ஸ் சர்வதேச விற்பனை 12 சதவீதம் சரிவு

டாடா மோட்டார்ஸ் சர்வதேச வாகன விற்பனை சென்ற ஜனவரியில் 12 சதவீத சரிவடைந்துள்ளது.
டாடா மோட்டார்ஸ் சர்வதேச விற்பனை 12 சதவீதம் சரிவு


டாடா மோட்டார்ஸ் சர்வதேச வாகன விற்பனை சென்ற ஜனவரியில் 12 சதவீத சரிவடைந்துள்ளது.
இதுகுறித்து அந்த நிறுவனம் செவ்வாய்க்கிழமை வெளியிட்ட செய்திக்குறிப்பில் தெரிவித்துள்ளதாவது:
ஜாகுவர் லேண்ட்ரோவர் உள்ளிட்ட டாடா மோட்டார்ஸின் சர்வதேச வாகன விற்பனை சென்ற ஜனவரி மாதத்தில் 1,00,572-ஆக இருந்தது. கடந்த 2018 நிதியாண்டின் விற்பனையான 1,14,797 வாகனங்களுடன் ஒப்பிடுகையில் இது 12 சதவீதம் குறைவாகும்.
டாடா மோட்டார்ஸின் அனைத்து ரக வர்த்தக வானங்கள் மற்றும் டாடா டேவூ ரக சர்வதேச மொத்த விற்பனை நடப்பாண்டு ஜனவரியில் 40,886-ஆக இருந்தது. கடந்தாண்டின் இதேகால அளவில் விற்பனையான 44,828 வாகனங்களுடன் ஒப்பிடுகையில் இது 9 சதவீதம் குறைவாகும்.
நிறுவனத்தின் அனைத்து வகை பயணிகள் வாகனங்களின் சர்வதேச விற்பனை அம்மாதத்தில் 69,969 என்ற எண்ணிக்கையிலிருந்து 15 சதவீதம் குறைந்து 59,686-ஆக காணப்பட்டது.
உலகளவில் ஜாகுவர் லேண்ட்ரோவர் விற்பனை கடந்த ஜனவரியில் 41,676-ஆக இருந்தது. இதில், ஜாகுவர் விற்பனை 12,904-ஆகவும், லேண்ட் ரோவர் விற்பனை 28,772-ஆகவும் இருந்தது என டாடா மோட்டார்ஸ் அந்த செய்திக்குறிப்பில் தெரிவித்துள்ளது.
 

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com