சுடச்சுட

    
    HYUNDAI

    மாருதி சுஸுகி
     கார் விற்பனையில் முதலிடத்தில் உள்ள மாருதி சுஸுகி இந்தியா நிறுவனத்தின் டிசம்பர் மாத விற்பனை 1.3 சதவீதம் சரிவடைந்து 1,28,338- வாகனங்களாக இருந்தது. 2017 டிசம்பரில் கார் விற்பனை 1,30,066-ஆக காணப்பட்டது.
     ஆல்டோ, வேகன்ஆர் ஆகியவற்றை உள்ளடக்கிய குறைந்த விலை கார்களின் விற்பனை 14 சதவீதம் வீழ்ச்சியடைந்து 32,146 என்ற எண்ணிக்கையிலிருந்து 27,661-ஆக குறைந்தது. ஸ்விஃப்ட், செலிரியோ, இக்னிஸ், பலேனோ, டிசையர் விற்பனையும் 3.8 சதவீதம் குறைந்து 51,334-ஆக காணப்பட்டது.
     மாருதி சுஸுகி நிறுவன கார்கள் ஏற்றுமதியும் 36.4 சதவீதம் வீழ்ச்சியடைந்து 10,780-லிருந்து 6,859-ஆனது.
     டாடா மோட்டார்ஸ்
     இந்நிறுவனத்தின் வாகன விற்பனையும் டிசம்பர் மாதத்தில் 8 சதவீதம் வீழ்ச்சி கண்டுள்ளது. 2017 டிசம்பரில் 54,627 வாகனங்களை விற்பனை செய்திருந்த நிலையில் கடந்த டிசம்பரில் டாடா மோட்டார்ஸ் விற்பனை 50,440-ஆக குறைந்து போனது.
     வர்த்தக வாகன விற்பனை 11 சதவீதம் சரிவடைந்து 36,180-ஆக காணப்பட்டது. மொத்த ஏற்றுமதி 6,293 என்ற எண்ணிக்கையிலிருந்து 36 சதவீதம் சரிந்து 3,999-ஆக இருந்தது.
     மஹிந்திரா
     மஹிந்திரா அண்டு மஹிந்திரா நிறுவனத்தின் வாகன விற்பனை கடந்த டிசம்பர் மாதத்தில் 1 சதவீதம் அளவுக்கே உயர்ந்துள்ளது. 2017 டிசம்பரில் 39,200 வாகனங்களை விற்பனை செய்திருந்த மஹிந்திரா 2018 டிசம்பரில் 39,755 வாகனங்களை விற்றுள்ளது. பயணிகள் வாகன விற்பனையைப் பொருத்தவரையில் மஹிந்திரா 3 சதவீத சரிவை சந்தித்துள்ளது. வர்த்தக வாகனங்கள் விற்பனை 17,542 என்ற எண்ணிக்கையிலிருந்து 4 சதவீதம் குறைந்து 16,906-ஆக காணப்பட்டது. ஆனால், மஹிந்திரா வாகன ஏற்றுமதி 38 சதவீதம் வளர்ச்சி கண்டு 2,221-லிருந்து 3,065-ஆக ஆனது.
     ஹுண்டாய்
     ஹுண்டாய் மோட்டார் இந்தியா டிசம்பரில் 42,093 வாகனங்களை விற்பனை செய்துள்ளது. கடந்த 2017 டிசம்பரில் விற்பனையான 40,158 வாகனங்களுடன் ஒப்பிடுகையில் இது 4.6 சதவீதம் அதிகமாகும்.
     2017-இல் விற்பனை 6,78,221-ஆக மட்டுமே இருந்த நிலையில், 2018-இல் 7,10,012 கார்கள் விற்பனை செய்யப்பட்டுள்ளன. இது முன்னெப்போதும் இல்லாத அதிகபட்ச அளவு. ஏற்றுமதி 1,50,901-லிருந்து 6 சதவீதம் அதிகரித்து 1,60,010-ஆனது.
     ராயல் என்ஃபீல்டு
     ராயல் என்ஃபீல்டு டிசம்பர் மாத பைக் விற்பனை 13 சதவீதம் குறைந்து 58,278-ஆகியுள்ளது. கடந்த 2017 டிசம்பரில் பைக் விற்பனை 66,968-ஆக அதிகரித்து காணப்பட்டது. இந்நிறுவனத்தின் சர்வதேச விற்பனை டிசம்பரில் 41 சதவீதம் அதிகரித்து 2,252-ஆக இருந்தது.
     ஹோண்டா
     ஹோண்டா கார்ஸ் இந்தியா டிசம்பர் மாதத்தில் 13,139 கார்களை விற்பனை செய்துள்ளது. 2017 டிசம்பரில் விற்பனையான 12,642 எண்ணிக்கையுடன் ஒப்பிடுகையில் இது 4 சதவீதம் அதிகம். நடப்பு நிதியாண்டில் ஏப்ரல் முதல் டிசம்பர் வரையிலான கால அளவில் ஹோண்டா கார் விற்பனை 3.7 சதவீதம் அதிகரித்து 1,34,797-ஆக இருந்தது.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai