கடந்த 6 மாதங்களில் ஒரேயொரு நானோ கார் மட்டுமே விற்பனையாகி உள்ளதாக டாடா மோட்டார்ஸ் நிறுவனம் தெரிவித்துள்ளது.
இதுகுறித்து அந்த நிறுவனம் செபியிடம் கூறியுள்ளதாவது:
நடப்பாண்டு ஜனவரி மாதத்திலிருந்து நானோ கார் உற்பத்தி நிறுத்தப்பட்டுள்ளது. இந்த நிலையில், ஜனவரி-ஜூன் வரையிலான ஆறு மாத கால அளவில் பார்க்கும்போது பிப்ரவரியில் மட்டுமே ஒரேயொரு நானோ கார் விற்பனையாகியுள்ளது.
டாடா மோட்டார்ஸுக்கு சொந்தமான குஜராத் சனந்த் ஆலையில் கடந்த 2018 டிசம்பரில் நானோ கார் இறுதியாக உற்பத்தி செய்யப்பட்டது. அப்போது, 82 கார்கள் தயாரிக்கப்பட்டன. தேவைக்கு ஏற்ப நானோ கார் விற்பனை செய்யப்பட்டு வருகிறது. ஆனால், ஜனவரி--ஜூன் காலத்தில் நானோ கார் எதுவும் ஏற்றுமதி செய்யப்படவில்லை என செபியிடம் டாடா மோட்டார்ஸ் தெரிவித்துள்ளது.