டாடா மோட்டார்ஸ் நிறுவனம், ஹெக்ஸா மாடலில் புதிய எஸ்யுவி காரை வியாழக்கிழமை அறிமுகம் செய்துள்ளது. அதன் விலை, ரூ.12.99 லட்சத்தில் இருந்து ரூ.18.36 லட்சம் வரை தில்லி விற்பனை விலையாக நிர்ணயிக்கப்பட்டுள்ளது.
இந்த நிறுவனம், ஹெக்ஸா மாடல் காரை கடந்த 2017-ஆம் ஆண்டு ஜனவரி மாதம் அறிமுகம் செய்தது.
இந்நிலையில், ஆண்ட்ராய்டு இணைப்புடன் 7 அங்குல தொடுதிரை தகவல் அமைப்பு உள்ளிட்ட பல்வேறு புதிய அம்சங்கள் சேர்க்கப்பட்டு, ஹெக்ஸா மாடலின் புதிய கார் வடிவமைக்கப்பட்டுள்ளது.
இந்நிலையில், 2019-ஆண்டுக்கான புதிய மாடல் காரை, டாடா மோட்டார்ஸ் நிறுவனம் தற்போது அறிமுகம் செய்துள்ளது. இதுகுறித்து அந்த நிறுவனத்தின் விற்பனை துணை மேலாளர் எஸ்.என்.பர்மன் வெளியிட்ட அறிக்கையில், ஹெக்ஸா மாடல் காருக்கு ஏற்கெனவே வாகன ஓட்டிகளின் மத்தியில் நல்ல வரவேற்பு உள்ளது; இந்நிலையில், இந்தப் புதிய மாடல் காரும் வாகன ஓட்டிகளின் எதிர்பார்ப்பை பூர்த்தி செய்யும் விதமாக இருக்கும் என்று நம்புகிறோம் என்று தெரிவித்துள்ளார்.