மோட்டார் வாகன டயர் உற்பத்தியாளர்களின் கூட்டமைப்பின் (அட்மா) தலைவராக எம்ஆர்எஃப் நிறுவனத்தின் தலைவரும், நிர்வாக இயக்குநருமான கே.எம். மேமன் ஒருமனதாக திங்கள்கிழமை தேர்ந்தெடுக்கப்பட்டார்.
இந்த கூட்டமைப்பின் துணைத் தலைவர் பொறுப்புக்கு ஜேகே டயர் & இண்டஸ்ட்ரீஸின் முழு நேர இயக்குநர் அனுஷ்மான் சிங்கானியா தேர்வு செய்யப்பட்டார்.
அதேபோன்று, சியட் நிறுவனத்தின் துணைத் தலைவர் (கொள்முதல்) ரூபேஷ் ஆர். அட்மா கூட்டமைப்பின் விநியோக தொடர்பு மற்றும் வளங்கள் பிரிவின் தலைவராகிறார்.
இவர்களைத் தவிர, ஜேகே டயர் & இண்டஸ்ட்ரீஸின் தொழில்நுட்ப இயக்குநர் வி.கே. மிஷ்ரா அட்மாவின் தொழில்நுட்பம், சுற்றுச்சூழல், பாதுகாப்பு மற்றும் தரநிர்ணய குழுவில் தலைமை பொறுப்பை ஏற்றுள்ளார் என அந்த கூட்டமைப்பு தெரிவித்துள்ளது.