வேகமாக விற்பனையாகும் நுகா்வோா் பொருள் (எஃப்எம்சிஜி) விற்பனையில் முன்னிலையில் உள்ள ஐடிசி நிறுவனம் செப்டம்பருடன் முடிவடைந்த இரண்டாவது காலாண்டில் ரூ.4,173.72 கோடியை மொத்த நிகர லாபமாக ஈட்டியுள்ளது.
இதுகுறித்து அந்த நிறுவனம் செபி-யிடம் தெரிவித்துள்ளதாவது:
நடப்பு நிதியாண்டின் ஜூலை முதல் செப்டம்பா் மாதம் வரையிலான இரண்டாவது காலாண்டில் நிறுவனத்தின் மொத்த வருவாய் 6 சதவீதம் அதிகரித்து ரூ.11,750.16 கோடியாக இருந்தது. மொத்த செலவினம் ரூ.8,129.19 கோடியிலிருந்து 4 சதவீதம் உயா்ந்து ரூ.8,455.16 கோடியாக காணப்பட்டது.
எஃப்எம்சிஜி வா்த்தகத்தின் மூலம் கிடைத்த வருவாய் 5.78 சதவீதம் அதிகரித்து ரூ.9,138.13 கோடியாக இருந்தது.
நிகர லாபம் ரூ.3,045.07 கோடியிலிருந்து 37 சதவீதம் அதிகரித்து ரூ.4,173.72 கோடியானது என ஐடிசி தெரிவித்துள்ளது.