Enable Javscript for better performance
தொழில்துறை உற்பத்தி வளர்ச்சி விகிதம் 4.3 சதவீதமாக குறைந்தது- Dinamani



    தொழில்துறை உற்பத்தி வளர்ச்சி விகிதம் 4.3 சதவீதமாக குறைந்தது

    By DIN  |   Published on : 13th September 2019 12:36 AM  |   அ+அ அ-   |    |  


    நாட்டின் தொழில்துறை உற்பத்தி வளர்ச்சி விகிதம் கடந்த ஜூலை மாதத்தில் 4.3 சதவீதமாக குறைந்தது.
    இதுகுறித்து மத்திய அரசு வியாழக்கிழமை வெளியிட்ட புள்ளிவிவரத்தில் கூறியுள்ளதாவது:
    தயாரிப்புத் துறையில் காணப்பட்ட மந்த நிலையால் கடந்த ஜூலை மாதத்தில் தொழில்துறை உற்பத்தி வளர்ச்சி விகிதம் 4.3 சதவீதமாக குறைந்தது. 
    தொழில்துறை உற்பத்தி வளர்ச்சி முந்தைய ஜூன் மாதத்தில் 1.2 சதவீதமாகவும், மே மாதத்தில் 4.6 சதவீதமாகவும் காணப்பட்டது.  கடந்தாண்டு ஜூலை மாதத்தில் தொழில்துறையின் வளர்ச்சி 6.5 சதவீதமாக அதிகரித்திருந்தது. 
    நடப்பு நிதியாண்டில் ஏப்ரல் முதல் ஜூலை வரையிலான நான்கு மாத கால அளவில் தொழில்துறை உற்பத்தி 3.3 சதவீத அளவுக்கு வளர்ச்சி கண்டுள்ளது. இது, முந்தைய நிதியாண்டின் இதே காலத்தில் காணப்பட்ட 5.4 சதவீதத்துடன் ஒப்பிடும்போது குறைவான அளவாகும்.
    தயாரிப்புத் துறையில் நிலவும் மந்த நிலையை தெளிவாக எடுத்துக்காட்டும் வகையில் அத்துறையின் உற்பத்தி வளர்ச்சி கடந்தாண்டு ஜூலையில் 7 சதவீதமாக காணப்பட்ட நிலையில், நடப்பாண்டு ஜூலையில் 4.2 சதவீதமாக மட்டுமே இருந்தது.
    பொறியியல் சாதனங்கள் பிரிவின் உற்பத்தி  2.3 சதவீத வளர்ச்சி என்ற நிலையிலிருந்து , 7.1 சதவீதம் என்ற அளவில் பின்னடைவைக் கண்டது.
    அதேசமயம், சுரங்கத் துறையின் உற்பத்தி 3.4 சதவீதத்திலிருந்து 4.9 சதவீதமாக உயர்ந்தது. 
    கடந்தாண்டு ஜூலையில் 6.6 சதவீதமாக காணப்பட்ட மின் துறையின் உற்பத்தி வளர்ச்சி நடப்பாண்டு ஜூலையில் 4.8 சதவீதம் என்ற அளவில் இருந்தது என மத்திய அரசு அந்தப் புள்ளிவிவரத்தில் தெரிவித்துள்ளது.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp