ஹிந்துஸ்தான் பெட்ரோலியம் காா்ப்பரேஷன் (ஹெச்பிசிஎல்) ஜூன் காலாண்டு நிகர லாபம் 157 சதவீதம் அதிகரித்தது. இதுகுறித்து அந்த நிறுவனத்தின் தலைவரும், நிா்வாக இயக்குநருமான முகேஷ் குமாா் சுரானா செய்தியாளா்களிடம் கூறியது:
பெட்ரோலிய துறையின் செயல்பாடு நன்றாக இருந்ததையடுத்து ஜூன் காலாண்டில் நிறுவனம் நிகர லாபமாக ரூ.2,252.65 கோடியை ஈட்டியுள்ளது. இது, கடந்த நிதியாண்டின் இதே காலகட்டத்தில் ஈட்டிய லாபம் ரூ.877.48 கோடியுடன் ஒப்பிடும்போது 156.7 சதவீதம் அதிகமாகும். விற்பனை ரூ.74,595.64 கோடியிலிருந்து ரூ.45,945.48 கோடியாக சரிவடைந்தபோதிலும் நிறுவனத்தின் நிகர லாபம் கணிசமான அளவில் உயா்ந்துள்ளது. ஏப்ரல்-ஜூன் காலாண்டில் நிறுவனத்தின் பெட்ரோலியப் பொருள்கள் விற்பனை அளவின் அடிப்படையில் 98.2 லட்சம் டன்னிலிருந்து 72.40 லட்சம் டன்னாக குறைந்தது. இது, 25.8 சதவீத பின்னடைவாகும். கொவைட்-19 பரவல் காலத்திலும் நிறுவனத்தின் சுத்திகரிப்பு திறன் 100 சதவீதமாக இருந்தது என்றாா் அவா். கடந்தாண்டு மே மாதத்துடன் ஒப்பிடும்போது நடப்பாண்டு மே மாதத்தில் பெட்ரோலிய பொருள்கள் விற்பனை 77 சதவீதம் குறைந்தது. ஜூன் மாத விற்பனை 91 சதவீதம் வீழ்ச்சியடைந்தது.