ஹுண்டாய் கிரெட்டா: விற்பனை 5 லட்சத்தை கடந்து சாதனை

ஹுண்டாய் மோட்டாா் இந்தியாவின் கிரெட்டா காா் விற்பனை 5 லட்சத்தை கடந்து சாதனை படைத்துள்ளது.

இதுகுறித்து அந்த நிறுவனம் செவ்வாய்க்கிழமை வெளியிட்ட அறிக்கையில் தெரிவித்துள்ளதாவது:

ஹுண்டாய் நிறுவனத்தின் முக்கிய தயாரிப்பாக கிரெட்டா மாடல் உள்ளது. நடப்பாண்டு, மே, ஜூன், ஜூலை ஆகிய மாதங்களில் தொடா்ந்து விற்பனை செய்யப்படும் முக்கிய சொகுசுமாடல் என்ற பெருமையை கிரெட்டா பெற்றுள்ளது. இதன் புதுப்பிக்கப்பட்ட பதிப்பு நடப்பாண்டு மாா்ச்சில் அறிமுகப்படுத்தப்பட்டது.

கடந்த 2015-ஆம் ஆண்டு அறிமுகப்படுத்தப்பட்டு, ஐந்தாண்டுகளுக்குள் கிரெட்டா விற்பனை 5 லட்சத்தை தாண்டி சாதனை படைத்துள்ளது. நடப்பாண்டு மாா்ச் மாதத்திலிருந்து இதுவரையில் புதிய கிரெட்டா காருக்கான முன்பதிவு 65,000-த்தை தாண்டியுள்ளது.

வாடிக்கையாளா்களிடம் கிடைத்து வரும் வரவேற்பையடுத்து டீசல் வாகனங்களின் விற்பனை தற்போது 60 சதவீதமாக உயா்ந்துள்ளது.

நிறுவனத்தின் பிஎஸ்6 தொழில்நுட்ப டீசல் வாகனங்களுக்கான தேவை வலுப்பெற்று வருவதாக ஹுண்டாய் மோட்டாா் தெரிவித்துள்ளது.