ஹிந்துஜா குழும நிறுவனமான அசோக் லேலண்ட் நிறுவனத்தின் மூன்றாம் காலாண்டு லாபம் 86 சதவீதம் சரிவைக் கண்டுள்ளது.
இதுகுறித்து அந்த நிறுவனம் பங்குச் சந்தையிடம் கூறியுள்ளதாவது:
நடப்பு நிதியாண்டின் அக்டோபா் முதல் டிசம்பா் வரையிலான மூன்றாம் காலாண்டில் அசோக் லேலண்ட் நிறுவனம் செயல்பாடுகள் வாயிலாக ரூ.5,188.84 கோடி வருவாய் ஈட்டியது. இது, முந்தைய நிதியாண்டில் நிறுவனம் ஈட்டிய வருவாய் ரூ.7,489.64 கோடியுடன் ஒப்பிடும்போது குறைவான அளவாகும்.
வருவாயில் ஏற்பட்ட வீழ்ச்சியையடுத்து, நிகர லாபம் ரூ.428.76 கோடியிலிருந்து 86.68 சதவீதம் சரிவடைந்து ரூ.57.11 கோடியானது என அசோக் லேலண்ட் பங்குச் சந்தையிடம் கூறியுள்ளது.