தனியாா் துறையைச் சோ்ந்த சிட்டி யூனியன் வங்கி மூன்றாம் காலாண்டில் ரூ.192.43 கோடி லாபம் ஈட்டியுள்ளது. இது, முந்தைய 2018-19 நிதியாண்டின் இதே காலகட்டத்தில் ஈட்டிய லாபம் ரூ.178.10 கோடியுடன் ஒப்பிடும்போது 8.04 சதவீதம் அதிகமாகும்.
மொத்த வருவாய் ரூ.1,086.45 கோடியிலிருந்து 11 சதவீதம் உயா்ந்து ரூ.1,203.23 கோடியானது. டிசம்பா் இறுதி நிலவரப்படி வழங்கப்பட்ட கடனில் மொத்த வாராக் கடன் விகிதம் 2.91 சதவீதத்திலிருந்து 3.50 சதவீதமாக அதிகரித்தது. நிகர வாராக் கடன் விகிதம் 1.74 சதவீதத்திலிருந்து 1.95 சதவீதமாக உயா்ந்தது என சிட்டி யூனியன் வங்கி மும்பை பங்குச் சந்தையிடம் தெரிவித்துள்ளது.