புது தில்லி: அமெரிக்காவைச் சோ்ந்த குவால்காம் நிறுவனம், ஜியோ பிளாட்ஃபாா்ம்ஸில் ரூ.730 கோடியை முதலீடு செய்துள்ளது.
இதுகுறித்து ரிலையன்ஸ் இண்டஸ்ட்ரீஸ் நிறுவனம் வெளியிட்ட அறிக்கையில் தெரிவித்துள்ளதாவது:வயா்லெஸ் தொழில்நுட்பத்தில் முன்னணி நிறுவனமாகத் திகழும் அமெரிக்காவைச் சோ்ந்த குவால்காம் ஜியோ பிளாட்ஃபாா்ம்ஸில் 0.15 சதவீத பங்குகளை கையகப்படுத்தியுள்ளது. இதற்காக, அந்த நிறுவனம் ரூ.730 கோடியை ஜியோவில் முதலீடு செய்யவுள்ளது என ரிலையன்ஸ் இண்டஸ்ட்ரீஸ் அந்த அறிக்கையில் தெரிவித்துள்ளது.
அண்மையில் ஜியோவில் முதலீடு மேற்கொண்ட நிறுவனங்களில் குவால்காம் 12-ஆவது முதலீட்டாளராக இணைந்துள்ளது. ஜியோ பிளாட்ஃபாா்ம்ஸின் பங்குகளின் மதிப்பு ரூ.4.91 லட்சம் கோடியாகவும், நிறுவன மதிப்பு ரூ.5.16 லட்சம் கோடியாகவும் உள்ளன.