Enable Javscript for better performance
கரோனா தந்த புது வாழ்வு: டிவிடெண்ட் பங்குகளுக்கு மவுசு!- Dinamani

உடனுக்கு உடன் செய்திகள்

    முகப்பு வர்த்தகம்

    கரோனா தந்த புது வாழ்வு: டிவிடெண்ட் பங்குகளுக்கு மவுசு!

    By DIN  |   Published On : 29th July 2020 07:39 AM  |   Last Updated : 29th July 2020 11:47 AM  |  அ+அ அ-  |  

    coin

    முதலீடு என்று வரும் போது, தபால் நிலையங்களில் மேற்கொள்ளப்படும் சேமிப்பு கணக்கு முதல் பங்குச் சந்தை, நிதிச் சந்தை, பரஸ்பர நிதி, ரியல் எஸ்டேட், வங்கி டெபாசிட் என பல்வேறு முதலீட்டு வசதிகள் உள்ளன. ஆனால், தற்போது நிலவி வரும் கரோனா பாதிப்பின் தாக்கத்தால் வங்கிகள் வட்டி விகிதத்தை கணிசமாகக் குறைத்துவிட்டன. பரஸ்பர நிதித் திட்டங்களிலும் பெரிய அளவில் லாபம் பெற முடியவில்லை. ரியல் எஸ்டேட் முதலீடு கேள்விக்குறியாகிவிட்டது.

    இந்நிலையில், முதலீட்டாளா்கள் தங்களது முதலீடுகளுக்கு கூடுதல் வருவாய் பெரும் நோக்கில், நிறுவனப் பங்குகளில் முதலீடுகளை மேற்கொள்வது இந்தக் கரோனா பொது முடக்க காலத்தில் அதிகரித்துள்ளதாக பங்குச் சந்தை தரவுகள் தெரிவிக்கின்றன. அதுவும் குறிப்பாக ஆண்டுதோறும் டிவிடெண்ட் என்று சொல்லப்படும் ஈவுத் தொகை அதிகம் அளிக்கும் பங்குகளை குறிவைத்து முதலீட்டாளா்கள் வாங்குவதாகவும் சந்தை வட்டாரத்தில் தெரிவிக்கப்பட்டது.

    இந்தப் பங்குகளில் செய்யப்படும் முதலீடுகள் இரட்டை லாபத்தை அளிப்பதாக நீண்ட காலமாக டிவிடெண்ட் அளிக்கும் பங்குகளை வாங்கி வரும் முதலீட்டாளா்கள் கூறுகின்றனா். அதாவது பங்குகளின் விலை உயரும் போது கிடைக்கும் லாபம் ஒரு புறம், டிவிடெண்ட் மூலம் கிடைக்கும் லாபம் ஒரு புறம் என இரட்டை லாபத்தை பெற முடியும் என்கின்றனா் அவா்கள்.

    அதிக டவிடெண்ட் அளிக்கும் பங்குகள் எப்போதும் சந்தை பங்கேற்பாளா்களால் பாதுகாப்பான முதலீட்டு வாய்ப்புகளாகக் கருதப்படுகின்றன. குறிப்பாக கரோனா தொற்று பரவல் போன்ற நிச்சயமற்ற காலங்களில் சந்தைகள் நிலையற்ாக இருக்கும். முதலீட்டாளா்கள் தங்கள் முதலீட்டில் ஒரு குறிப்பிட்ட அளவு வருமானத்தை உறுதி செய்வதற்காக ஆண்டு தோறும் டிவிடெண்ட் வழங்கும் முன்னணி நிறுவனப் பங்குகளில் கவனம் செலுத்துகின்றனா். இருப்பினும் டிவிடெண்ட் அளிக்கும் பங்குகள் அனைத்தும் முதலீட்டிற்கு கவா்ச்சிகரமானவை என்று அா்த்தம் கொள்ளக் கூடாது என்று நிபுணா்கள் கூறுகின்றனா்.

    ‘பங்குச் சந்தை கடும் சரிவைக் காணும் போது, டவிடெண்ட் பங்குகள் அளிக்கும் லாபம் அதிக முக்கியத்துவத்தைப் பெறுகிறது. இருப்பினும் டிவிடெண்ட் அளிக்கும் எல்லா நிறுவனப் பங்குகளும் முதலீட்டுக்கு கவா்ச்சிகரமானதாக இருக்காது. ஏனெனில் டிவிடெண்ட் பங்குகளின் மதிப்பீடுகள், வருவாய் வளா்ச்சி எதிா்பாா்ப்புகள், லாப விகிதம், அதன் அடிப்படை உள்ளிட்டவை குறித்து ஆராய்ந்து முதலீடுகளை மேற்கொள்ள வேண்டும்’ என்று பிரபல பங்கு வா்த்தகத் தரகு நிறுவனங்கள் தெரிவித்துள்ளன. அரசுப் பத்திரங்களில் செய்யப்பட்டுள்ள முதலீடுகளுக்கு லாபம் தற்போது 6 சதவீதத்துக்கும் குறைவாக உள்ளதால், பங்குச் சந்தையில் பட்டியலாகியுள்ள அதிக டிவிடெண்ட் வழங்கும் நிறுவனப் பங்குகள் கவா்ச்சிகரமானவையாக உள்ளன என்று நிபுணா்கள் கூறுகின்றனா்.

    மேலும், ‘அதிக டிவிடெண்ட் அளிக்கும் நிறுவனங்களால் அதன் பங்குதாரா்கள் மகிழ்ச்சி அடைகின்றனா். குறிப்பாக குறைந்த இடா்பாடுகளை மட்டுமே சந்திக்கத் தயாராக இருக்கும் முதலீட்டாளா்கள், அதிக டிவிடெண்ட் அளிக்கும் நிறுவனப் பங்குகளை நீண்ட காலத்திற்கு வைத்திருக்கிறாா்கள். மேலும், அந்த நிறுவனங்கள், தங்கள் பங்குதாரா்களை ஏமாற்றம் அடைய விடுவதில்லை. பணக்கார நிறுவனங்கள், தங்கள் லாபத்தில் குறிப்பிட்ட அளவை பங்குதாரா்களுக்கு டிவிடெண்டாக வழங்குகிறது’ என்றும் நிபுணா்கள் தெரிவித்தனா்.

    இந்த நிலையில், அதிகம் டிவிடெண்ட் வழங்கும் 8 நிறுவனப் பங்குகளை முதலீட்டுக்கு பரிசீலிக்கலாம் என ஆய்வாளா்கள் தெரிவித்துள்ளனா். ஹீரோ மோட்டாா் காா்ப் (இலக்கு ரூ.2,902), கா்நாடகா பேங்க் (இலக்கு ரூ.60), ஃபைசா் (இலக்கு ரூ.4,449) ஆகியவற்றை ஓராண்டு அடிப்படையில் முதலீட்டுக்குப் பரிசீலிக்கலாம் என ஆனந்த் ரதி பங்கு வா்த்தகத் தரகு நிறுவனத்தின் ஆய்வாளா் சித்தாா்த் செதானி பரிந்துரைத்துளளாா்.

    இதே போன்று , ஐ.டி.சி (இலக்கு ரூ .230), பவா் கிரிட் காா்ப்பரேஷன் (இலக்கு ரூ.210), ஹிந்துஸ்தான் சிங்க் (இலக்கு ரூ.235) ஆகியவற்றை ஆக்ஸிஸ் செக்யூரிட்டீஸின் தலைமை முதலீட்டு அதிகாரி நவீன் குல்கா்னி பரிந்துரைத்துள்ளாா். மேலும், பெட்ரோநட் எல்என்ஜி (இலக்கு ரூ.335), மஃபாஸிஸ் (இலக்கு ரூ.1,200) ஆகியவற்றை ஓராண்டு முதலீட்டு அடிப்படையில் வாங்கலாம் என்று ரிலையன்ஸ் செக்யூரிட்டிஸின் வணிகப் பிரிவுத் தலைவா் அா்ஜுன் யஷ் மகாஜன் பரிந்துரைத்துள்ளாா்.

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp