லக்ஷ்மி விலாஸ் வங்கி ஜூன் காலாண்டில் ரூ.112.28 கோடி நிகர இழப்பைக் கண்டுள்ளது. கடந்த நிதியாண்டில் இதே காலகட்டத்தில் வங்கிக்கு ஏற்பட்ட இழப்பு ரூ.237.25 கோடியாக அதிகரித்து காணப்பட்டது. அதேசமயம், 2019-20 நிதியாண்டின் மாா்ச் காலாண்டில் வங்கி ரூ.92.86 கோடி நிகர லாபத்தை பதிவு செய்திருந்தது. ஏப்ரல்-ஜூன் காலாண்டில் வங்கியின் மொத்த வருவாய் ரூ.677.17 கோடியிலிருந்து சரிந்து ரூ.538.84 கோடியானது. நிகர வட்டி வருமானம் ரூ.623.94 கோடியிலிருந்து ரூ.442.50 கோடியாக குறைந்தது. நடப்பாண்டு ஜூன் 30 நிலவரப்படி வங்கியின் மொத்த வாராக் கடன் விகிதம் 17.30 சதவீதத்திலிருந்து 25.40 சதவீதமாக அதிகரித்துள்ளது. நிகர வாராக் கடன் விகிதமும் 8.30 சதவீதத்திலிருந்து 9.64 சதவீதமாக உயா்ந்துள்ளது என லக்ஷ்மி விலாஸ் வங்கி வெளியிட்டுள்ள அறிக்கையில் தெரிவித்துள்ளது.