பிரமல் எண்டா்பிரைசஸ் நிறுவனத்தின் ஜூன் காலாண்டு நிகர லாபம் 11 சதவீதம் உயா்ந்துள்ளது. இதுகுறித்து அந்த நிறுவனம் மும்பை பங்குச் சந்தையிடம் அளித்த அறிக்கையில் கூறியுள்ளதாவது:
பிரமல் எண்டா்பிரைசஸின் ஒட்டுமொத்த வருமானம் நடப்பு நிதியாண்டின் ஜூன் முதல் காலாண்டில் ரூ.2,937.34 கோடியாக இருந்தது. கடந்த 2019-20-ஆம் நிதியாண்டின் முதல் காலாண்டில் நிறுவனத்தின் வருவாய் ரூ.3,186.82 கோடியாக அதிகரித்து காணப்பட்டது. நிகர லாபம் ரூ.448.17 கோடியிலிருந்து 11 சதவீதம் அதிகரித்து ரூ.495.56 கோடியானது .நடப்பாண்டு ஜூன் 30 வரையிலான முதல் காலாண்டில் மருந்து விற்பனை மூலமாக கிடைத்த வருமானம் ரூ.1,038 கோடியாக இருந்தது. நிதிச் சேவைகள் பிரிவிலான ஒட்டுமொத்த கடன் அளவு ரூ.51,265 கோடியாக உள்ளது என பிரமல் எண்டா்பிரைசஸ் கூறியுள்ளது.