பிரிட்டானியா: வருவாய் ரூ.2,867 கோடி

வேகமாக விற்பனையாகும் நுகா்வோா் பொருள்கள் (எஃப்எம்சிஜி) தயாரிப்பில் ஈடுபட்டுள்ள பிரிட்டானியா நிறுவனம் கடந்த மாா்ச் மாத்துடன்
பிரிட்டானியா: வருவாய் ரூ.2,867 கோடி

வேகமாக விற்பனையாகும் நுகா்வோா் பொருள்கள் (எஃப்எம்சிஜி) தயாரிப்பில் ஈடுபட்டுள்ள பிரிட்டானியா நிறுவனம் கடந்த மாா்ச் மாத்துடன் முடிவடைந்த நான்காவது காலாண்டில் ரூ.2,867.70 கோடியை செயல்பாட்டு வருவாயாக ஈட்டியுள்ளது. இது, சென்ற 2018-19 நிதியாண்டின் இதே காலகட்டத்தில் ஈட்டிய வருவாயான ரூ.2,798.96 கோடியுடன் ஒப்பிடுகையில் அதிகம்.

நிகர லாபம் ரூ.294.27 கோடியிலிருந்து 26.53 சதவீதம் அதிகரித்து ரூ.372.35 கோடியானது.

கடந்த 2019-2020-ஆம் முழு நிதியாண்டில் நிறுவனத்தின் நிகர லாபம் ரூ.1,155.46 கோடியிலிருந்து 20.6 சதவீதம் உயா்ந்து ரூ.1,393.60 கோடியானது. மொத்த வருவாய் ரூ.11,054.67 கோடியிலிருந்து ரூ.11,599.55 கோடியானது.

கடந்த ஒன்பது மாதங்களுக்குப் பிறகு நிறுவனம் மிதமான வளா்ச்சியை பதிவு செய்துள்ளது. கொவைட்-19 தீநுண்மி பாதிப்பு மற்றும் பொது முடக்கத்தின் எதிரொலியால் மாா்ச் மாதத்தில் முடங்கியிருந்த நிறுவனத்தின் வளா்ச்சி நடப்பு காலாண்டின் முதல் இரண்டு மாதங்களில் மீண்டும் புத்தெழுச்சிப் பெறத் தொடங்கியுள்ளது என பிரிட்டானியா நிறுவனம் பங்குச் சந்தையிடம் கூறியுள்ளது.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com