தகவல் தொழில்நுட்ப சேவை நிறுவனமான டெக் மஹிந்திரா நான்காவது காலாண்டில் ரூ.803.9 கோடி லாபம் ஈட்டியுள்ளது.
இதுகுறித்து அந்த நிறுவனம் வெளியிட்ட அறிக்கையில் தெரிவித்துள்ளதாவது:
டெக் மஹிந்திரா கடந்த 2019-20-ஆம் நிதியாண்டின் மாா்ச் காலாண்டில் ரூ.9,490.2 வருவாய் ஈட்டியுள்ளது. இது, இதற்கு முந்தைய 2018-19 நிதியாண்டின் இதே காலகட்டத்தில் ஈட்டிய லாபம் ரூ.1,132.5 கோடியுடன் ஒப்பிடுகையில் 6.7 சதவீதம் அதிகமாகும்.
ஒட்டுமொத்த நிகர லாபம் ரூ.1,132.5 கோடியிலிருந்து 29 சதவீதம் சரிந்து ரூ.803.9 கோடியாக இருந்தது. மேலும் மாா்ச் காலாண்டில் பங்கு ஒன்றின் மூலமாக கிடைத்த வருவாய் ரூ.9.14 ஆக இருந்தது.
கடந்த 2019-20 முழு நிதியாண்டில் நிகர லாபம் ரூ.4,033 கோடியாகவும், அதேசமயம் வருவாய் ரூ.36,867.7 கோடியாகவும் இருந்தது என டெக் மஹிந்திரா அறிக்கையில் தெரிவித்துள்ளது.