புது தில்லி: ரியல் எஸ்டேட் துறையில் ஈடுபட்டுள்ள கோத்ரெஜ் ப்ராப்பா்ட்டீஸ் நிறுவனத்தின் நான்காம் காலாண்டு லாபம் 35 சதவீதம் சரிவைக் கண்டுள்ளது.
இதுகுறித்து அந்த நிறுவனம் பங்குச் சந்தையிடம் திங்கள்கிழமை தெரிவித்துள்ளதாவது:
கடந்த 2019-20-ஆம் நிதியாண்டின் ஜனவரி முதல் மாா்ச் வரையிலான நான்காவது காலாண்டில் நிறுவனத்தின் மொத்த வருவாய் ரூ.1,288.17 கோடியாக இருந்தது. இது, இதற்கு முந்தைய 2018-19 நிதியாண்டின் இதே காலகட்டத்தில் ஈட்டிய வருவாய் ரூ.1,203.21 கோடியுடன் ஒப்பிடுகையில் அதிகம்.
அதேசமயம், ஒட்டுமொத்த நிகர லாபம் ரூ.156.66 கோடியிலிருந்து 35 சதவீதம் சரிந்து ரூ.101.08 கோடியானது.
கடந்த முழு நிதியாண்டில் மொத்த வருவாய் ரூ.3,221.98 கோடியிலிருந்து சரிந்து ரூ.2,914.59 கோடியாகவும், நிகர லாபம் ரூ.253.15 கோடியிலிருந்து உயா்ந்து ரூ.267.21 கோடியாகவும் இருந்தது என கோத்ரெஜ் ப்ராப்பா்ட்டீஸ் தெரிவித்துள்ளது.