வர்த்தகம்
சுந்தரம் ஹோம் பைனான்ஸ் நிகர லாபம் ரூ.82 கோடி
சென்னையைச் சோ்ந்த வங்கி சாரா நிதி நிறுவனமான சுந்தரம் பைனான்ஸின் துணை நிறுவனமான சுந்தரம் ஹோம் பைனான்ஸ் நான்காவது
சென்னையைச் சோ்ந்த வங்கி சாரா நிதி நிறுவனமான சுந்தரம் பைனான்ஸின் துணை நிறுவனமான சுந்தரம் ஹோம் பைனான்ஸ் நான்காவது காலாண்டில் ரூ.82 கோடி நிகர லாபம் ஈட்டியுள்ளது. இது, இதற்கு முந்தைய 2018-19 நிதியாண்டின் இதே காலகட்டத்தில் ரூ.26 கோடியாக காணப்பட்டது.
மாா்ச் 31-ஆம் தேதியுடன் நிறைவடைந்த நிதியாண்டில் நிறுவனம் ரூ.218 கோடியை நிகர லாபமாகப் பெற்றுள்ளது. 2018-19 நிதியாண்டில் லாபம் ரூ.145 கோடியாக இருந்தது.
நடப்பு 2020-ஆம் ஆண்டு மாா்ச் 31 இறுதி நிலவரப்படி ரூ.2,113 கோடி மதிப்பிலான கடன்களை நிறுவனம் வழங்கியுள்ளது. இது, 2019 காலகட்டத்தில் ரூ.2,449 கோடியாக காணப்பட்டது.
வீட்டு சந்தையைப் பொருத்தவரையில் அடுத்து வரும் இரண்டு காலாண்டுகளில் விற்பனை மந்தமானதாகவே இருக்கும் என சுந்தரம் ஹோம் பைனான்ஸ் வெளியிட்ட அறிக்கையில் தெரிவித்துள்ளது.