Enable Javscript for better performance
பொது முடக்க காலத்தில் இந்தியாவின் எரிவாயு உற்பத்தி பாதிப்பு- Dinamani

சுடச்சுட

    

    பொது முடக்க காலத்தில் இந்தியாவின் எரிவாயு உற்பத்தி பாதிப்பு

    By DIN  |   Published on : 23rd May 2020 10:40 PM  |   அ+அ அ-   |    |  

    gas050557

    பொது முடக்கத்தின் எதிரொலியாக சென்ற ஏப்ரல் மாதத்தில் இந்தியாவின் எரிவாயு உற்பத்தி ஐந்தில் ஒரு பகுதி சரிவைச் சந்தித்துள்ளது.

    இதுகுறித்து பெட்ரோலிய அமைச்சகத்தின் புள்ளிவிவரத்தில் கூறப்பட்டுள்ளதாவது:

    கடந்த 2019-ஆம் ஆண்டு மாா்ச் மாதத்தில் இந்தியாவின் எரிவாயு உற்பத்தி 265 கோடி கன மீட்டராக இருந்தது. இந்த நிலையில், நடப்பாண்டில் கொவைட்-19 நோய்த் தொற்று பாதிப்பின் காரணமாக பிறப்பிக்கப்பட்ட பொது முடக்கத்தால் நடப்பாண்டு ஏப்ரலில் அதன் உற்பத்தியானது 216 கோடி கன மீட்டராக சரிவை சந்தித்துள்ளது. கடந்த ஆண்டு உற்பத்தியுடன் ஒப்பிடுகையில் இது 18.6 சதவீதம் குறைவாகும்.

    எரிவாயு தயாரிப்பில் முதலிடத்தில் உள்ள ஓஎன்ஜி நிறுவனத்தின் உற்பத்தி சென்ற ஏப்ரல் மாதத்தில் 15.3 சதவீதம் அளவுக்கு குறைந்து போனது. இதுவே, ஒட்டுமொத்த எரிவாயு உற்பத்தி பாதிக்கப்பட்டதற்கு முக்கிய காரணம் என அந்த அமைச்சகத்தின் புள்ளிவிவரத்தில் தெரிவிக்கப்பட்டுள்ளது.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    kattana sevai