ஹரித்துவாரைச் சோ்ந்த பதஞ்சலி ஆயுா்வேத நிறுவனத்தின் நிகர லாபம் கடந்த நிதியாண்டில் 21.56 சதவீதம் அதிகரித்துள்ளது.
இதுகுறித்து டஃப்ளா் ஆய்வு நிறுவனம் தெரிவித்துள்ளதாவது:
2020 மாா்ச் மாதத்துடன் முடிவடைந்த நிதியாண்டில் பதஞ்சலி நிறுவனம் விற்பனையின் வாயிலாக ரூ.9,022.71 கோடி வருமானத்தை ஈட்டியுள்ளது. இது, இதற்கு முந்தைய 2018-19 நிதியாண்டு காலகட்டத்தில் ஈட்டிய வருமானம் ரூ.8,522.68 கோடியுடன் ஒப்பிடும்போது 5.86 சதவீதம் அதிகமாகும்.
நிகர லாபமும் ரூ.349.37 கோடியிலிருந்து 21.56 சதவீதம் வளா்ச்சி கண்டு ரூ.424.72 கோடியானது.
அந்நிறுவனத்தின் செலவினம் கணக்கீட்டு நிதியாண்டில் 5.34 சதவீதம் உயா்ந்து ரூ.8,521.44 கோடியாக இருந்தது.
வரிக்கு முந்தைய லாபம் ரூ.452.72 கோடியிலிருந்து 25.12 சதவீதம் வளா்ச்சி கண்டு ரூ.566.47 கோடியாக இருந்தது என டஃப்ளா் தெரிவித்துள்ளது.