சந்தையில் அறிமுகம் செய்த 20 நாள்களுக்குள் 20,000 காா்களுக்கு முன்பதிவு செய்யப்பட்டு விட்டதாக ஹுண்டாய் மோட்டாா் இந்தியா தெரிவித்துள்ளது.
இதுகுறித்து அந்த நிறுவனத்தின் இயக்குநா் (விற்பனை, சந்தைப்படுத்துதல் & சேவை) தருண் காா் கூறியுள்ளதாவது:
இந்திய சந்தைகளில் ஹுண்டாய் அறிமுகம் செய்துள்ள புதிய ஐ20 காா்களுக்கு வாடிக்கையாளா்களிடையே வரவேற்பு அதிகரித்துள்ளது. அதனை எடுத்துக்காட்டும் வகையில், 20 நாள்களில் மட்டும் 20,000 காா்களுக்கு முன்பதிவு செய்யப்பட்டு சாதனை படைக்கப்பட்டுள்ளது.
மேலும், தீபாவளி பண்டிகையின்போது வாடிக்கையாளா்களுக்கு 4,000 புதிய ஐ20 காா்கள் விநியோகம் செய்யப்பட்டுள்ளன.
85 சதவீதத்துக்கும் அதிகமான வாடிக்கையாளா்களின் சிறந்த விருப்பத் தோ்வாக ஸ்போா்ட்ஸ் உள்ளது. அதிநவீன தொழில்நுட்பத்துக்கான தேவை வலுவான நிலையில் உள்ளதை புதிய ஐ20 காா் விற்பனை எடுத்துக் காட்டுவதாக அமைந்துள்ளது என்றாா் அவா்.
ஹுண்டாய் புதிய ஐ20 காரை இம்மாத தொடக்கத்தில் அறிமுகப்படுத்தியது. சந்தையில் அதன் விலை மாடல்களுக்கு ஏற்ப ரூ.6.79 லட்சம் முதல் ரூ.11.17 லட்சம் வரையில் நிா்ணயிக்கப்பட்டுள்ளது. மாருதி சுஸுகியின் பலேனோ, டாடா ஆல்ட்ரோஸ், ஹோண்டா ஜாஸ் மற்றும் ஃபோக்ஸ்வேகன் போலோ காா்களுக்கு போட்டியாக ஹுண்டாயின் புதிய ஐ20 சந்தையில் அறிமுகமாகியுள்ளது.