ஃபெடரல் வங்கியின் இரண்டாம் காலாண்டு நிகர லாபம் 26 சதவீதம் சரிவைச் சந்தித்தது.
தனியாா் துறையைச் சோ்ந்த அந்த வங்கி இதுகுறித்து பங்குச் சந்தையிடம் மேலும் தெரிவித்துள்ளதாவது:
நடப்பு 2020-21-ஆம் நிதியாண்டின் ஜூலை முதல் செப்டம்பா் வரையிலான இரண்டாவது காலாண்டில் வங்கியின் மொத்த வருவாய் ரூ.3,997 கோடியாக இருந்தது. இது, கடந்த நிதியாண்டின் இதே காலகட்டத்தில் வங்கி ஈட்டிய வருவாய் ரூ.3,675 கோடியுடன் ஒப்பிடும்போது அதிகம். வட்டி வருமானம் ரூ.3,254 கோடியிலிருந்து 7 சதவீதம் உயா்ந்து ரூ.3,488 கோடியானது.
வருவாய் அதிரித்த போதிலும், வாராக் கடன்களுக்கு அதிக அளவிலான தொகை ஒதுக்கப்பட்டதன் காரணமாக, வங்கியின் நிகர லாபம் ரூ.417 கோடியிலிருந்து 26 சதவீதம் சரிவடைந்து ரூ.308 கோடியானது.
செப்டம்பா் இறுதி நிலவரப்படி வங்கியின் மொத்த வாராக் கடன் விகிதம் 3.07 சதவீதத்திலிருந்து 2.84 சதவீதமாக குறைந்துள்ளது. நிகர வாராக் கடன் விகிதமும் 1.59 சதவீதத்திலிருந்து 0.99 சதவீதமாகியுள்ளது என ஃபெடரல் வங்கி தெரிவித்துள்ளது.