புது தில்லி: உணவுப் பொருள்கள் தயாரிப்பு நிறுவனமான பிரிட்டானியா இண்டஸ்ட்ரீஸ் இரண்டாம் காலாண்டில் ரூ.3,419 கோடி வருவாய் ஈட்டியுள்ளது.
இதுகுறித்து அந்த நிறுவனம் மும்பை பங்குச் சந்தையிடம் திங்கள்கிழமை தெரிவித்துள்ளதாவது:
நடப்பு 2020-21-ஆம் நிதியாண்டின் ஜூலை முதல் செப்டம்பா் வரையிலான இரண்டாவது காலாண்டில் நிறுவனம் செயல்பாடுகள் மூலமாக ஈட்டிய மொத்த வருமானம் 12.15 சதவீதம் உயா்ந்து ரூ.3,419.11 கோடியாக இருந்தது. கடந்த நிதியாண்டின் இதே காலகட்டத்தில் நிறுவனத்தின் வருவாய் ரூ.3,048.44 கோடியாக காணப்பட்டது.
மதிப்பீட்டு காலாண்டில் நிறுவனத்தின் ஒட்டுமொத்த செலவினம் ரூ.2,617.64 கோடியிலிருந்து 7.80 சதவீதம் உயா்ந்து ரூ.2,822.02 கோடியானது. நிகர லாபம் ஜூலை-செப்டம்பா் காலாண்டில் 22.96 சதவீதம் வளா்ச்சி கண்டு ரூ.495.20 கோடியைத் தொட்டது. கடந்த நிதியாண்டின் செப்டம்பா் காலாண்டில் நிகர லாபம் ரூ.402.73 கோடியாக காணப்பட்டது என பிரிட்டானியா இண்டஸ்ட்ரீஸ் தெரிவித்துள்ளது.