புது தில்லி: டாமினோஸ் பிட்ஸா மற்றும் டன்கின் டூநட்ஸ் துரித உணவகங்களை நடத்தி வரும் ஜூபிலியண்ட் ஃபுட்ஒா்க்ஸ் முதல் காலாண்டில் ரூ.74.47 கோடி நிகர இழப்பை சந்தித்துள்ளது.
கொவைட்-19 பெருந்தொற்றை கட்டுப்படுத்தப்பட்ட தொடா்ச்சியாக அமல்படுத்தப்பட்ட பொது முடக்கத்தால் அதன் விற்பனையகங்கள் மூடப்பட்டதையடுத்து அந்நிறுவனம் கடும் இழப்பை சந்தித்துள்ளது. இந்நிறுவனம் கடந்த நிதியாண்டின் இதே காலகட்டத்தில் ரூ.71.48 கோடியை நிகர லாபமாக செயல்பாடுகள் மூலமாக பெற்றிருந்தது. கடந்த நிதியாண்டுடன் ஒப்பிடுகையில், நிறுவனத்தின் வருவாய் நடப்பு நிதியாண்டின் ஏப்ரல்-ஜூன் காலாண்டில் ரூ.949.11 கோடியிலிருந்து 59.07 சதவீதம் சரிவடைந்து ரூ.388.41 கோடியானது.இதேகாலகட்டத்தில் நிறுவனத்தின் மொத்த செலவினம், ரூ.853.71 கோடியிலிருந்து 41.54 சதவீதம் சரிவடைந்து ரூ.499.03 கோடியானது.ஜூன் காலாண்டு இறுதி நிலவரப்படி நிறுவனம் 1,354 விற்பனையகங்களை செயல்படுத்தி வருவதாக ஜூபிலியண்ட் மும்பை பங்குச் சந்தையிடம் தெரிவித்துள்ளது.