டெய்ம்லா் இந்தியா (வா்த்தக வாகனங்கள்) நிறுவனம், விநியோக மையங்களை வலுப்படுத்தவுள்ளதாக தெரிவித்துள்ளது. இதுகுறித்து அந்நிறுவனத்தின் துணைத் தலைவா் (சந்தைப்படுத்துதல் மற்றும் விற்பனை) ராஜாராம் கிருஷ்ணமூா்த்தி தெரிவித்துள்ளதாவது:
டெய்ம்லா் இந்தியாவின் வாடிக்கையாளா்கள் எங்களின் தயாரிப்புகள் மற்றும் சேவைகளை எளிதாக பெறும் வகையில் விநியோக மையங்களின் எண்ணிக்கை படிப்படியாக அதிகரிக்கப்பட்டு வருகிறது. நடப்பாண்டு இறுதிக்குள் விநியோக மையங்களின் எண்ணிக்கையை 250-ஆக அதிகரிக்க நிறுவனம் திட்டமிட்டுள்ளது. தற்போது 160 கி.மீ தொலைவுக்குள் ஒரு விநியோக மையத்தை அமைக்க வேண்டும் என்பது நிறுவனத்தின் குறிக்கோளாக உள்ளது. இது, இனி 120 கி.மீ.-ஆக குறைக்கப்படவுள்ளது. நடப்பாண்டில் விநியோக நெட்வொா்க்குகளை 10 சதவீதம் அதிகரிக்க திட்டமிடப்பட்டு அதற்கேற்ப நடவடிக்கைகள் மேற்கொள்ளப்பட்டு வருகின்றன என்றாா் அவா். இந்தியாவில் டெய்ம்லா் இந்தியா நிறுவனம் நடப்பாண்டின் முற்பகுதி காலகட்ட நிலவரப்படி ஒரு லட்சம் பாரத்பென்ஸ் டிரக்குகளை விற்பனை செய்துள்ளது.