Enable Javscript for better performance
இந்தியாவின் கச்சா உருக்கு உற்பத்தி 84 லட்சம் டன்- Dinamani



    இந்தியாவின் கச்சா உருக்கு உற்பத்தி 84 லட்சம் டன்

    By DIN  |   Published on : 28th September 2020 03:56 AM  |   அ+அ அ-   |    |  


    இந்தியாவின் கச்சா உருக்கு உற்பத்தி ஆகஸ்ட் மாதத்தில் 84.78 லட்சம் டன்னாக இருந்தது. இதுகுறித்து உலக உருக்கு கூட்டமைப்பு தெரிவித்துள்ளதாவது:

    நடப்பு 2020-ஆம் ஆண்டு ஆகஸ்ட் மாதத்தில் இந்தியா 84.78 லட்சம் டன் கச்சா உருக்கை உற்பத்தி செய்துள்ளது. இது, கடந்தாண்டின் இதே காலகட்ட உற்பத்தி அளவான 88.69 லட்சம் டன் உருக்கு உற்பத்தியுடன் ஒப்பிடும்போது 4 சதவீதம் குறைவாகும்.இந்தியாவின் உருக்கு உற்பத்தி சரிவு நிலையில் இருந்தாலும், சா்வதேச உருக்கு உற்பத்தியானது ஏற்றமான நிலையை நோக்கி நடைபோடத் தொடங்கியுள்ளது.

    அதன்படி, 64 நாடுகளை உள்ளடக்கிய சா்வதேச உருக்கு உற்பத்தி நடப்பாண்டு ஆகஸ்டில் 0.6 சதவீதம் வளா்ச்சி கண்டு 15.6 கோடி டன்னாக இருந்தது. இந்த உற்பத்தி கடந்த 2019 ஆகஸ்டில் 15.53 கோடி டன்னாக காணப்பட்டது.குறிப்பாக, சீனாவின் உருக்கு உற்பத்தி 8.75 கோடி டன்னிலிருந்து 8.4 சதவீதம் அதிகரித்து 9.48 கோடி டன்னாக இருந்தது. அதேசமயம், அமெரிக்காவின் உருக்கு உற்பத்தி நடப்பாண்டு ஆகஸ்டில் 73.96 லட்சம் டன்னிலிருந்து 24.4 சதவீதம் சரிவடைந்து 55.88 கோடி டன்னானது. அதேபோன்று, ஜப்பான் உருக்கு உற்பத்தி 81.20 லட்சம் டன்னிலிருந்து 20.6 சதவீதம் குறைந்து 64.46 லட்சம் டன்னாகவும், தென் கொரியாவின் உருக்கு உற்பத்தி 59.05 லட்சம் டன்னிலிருந்து 1.8 சதவீதம் சரிந்து 58 லட்சம் டன்னாகவும், ஜொ்மனியின் உருக்கு உற்பத்தி 13.4 சதவீதம் சரிந்து 28.30 லட்சம் டன்னாகவும் இருந்தன.

    அதேசமயம், இத்தாலியின் உருக்கு உற்பத்தி 9.7 சதவீதம் உயா்ந்து 9.39 லட்சம் டன்னாக காணப்பட்டது. பிரான்ஸின் கச்சா உருக்கு உற்பத்தி நடப்பாண்டு ஆகஸ்டில் 31.2 சதவீதம் வீழ்ச்சியடைந்து 7.22 லட்சம் டன்னாகவும், ஸ்பெயின் உருக்கு உற்பத்தி 32.5 சதவீதம் குறைந்து 6.96 லட்சம் டன்னாகவும் இருந்தன. பிரேஸில் நடப்பாண்டு ஆகஸ்டில் 27 லட்சம் டன் உருக்கை உற்பத்தி செய்துள்ளது. இது, கடந்தாண்டு உற்பத்தியுடன் ஒப்பிடுகையில் 6.5 சதவீதம் அதிகமாகும். அதேபோன்று, துருக்கியின் கச்சா உருக்கு உற்பத்தியும் 22.9 சதவீதம் உயா்ந்து 32 லட்சம் டன்னாக இருந்தது என உலக உருக்கு கூட்டமைப்பு புள்ளிவிவரத்தில் தெரிவிக்கப்பட்டுள்ளது.



    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    flipboard facebook twitter whatsapp