புது தில்லி: ஆதித்யா பிா்லா சன் லைஃப் ஏஎம்சி புதிய பங்குவெளியீட்டில் களமிறங்கி நிதி திரட்டவுள்ளது. இதற்கான அனுமதி கோரி அந்நிறுவனம் செபியிடம் விண்ணப்பித்துள்ளது.
இதுகுறித்து ஆதித்யா பிா்லா சன் லைஃபின் தாய் நிறுவனமானஆதித்ய பிா்லா கேப்பிட்டல் பங்குச் சந்தையிடம் கூறியுள்ளதாவது:
புதிய பங்கு வெளியீட்டில் களமிறங்கி விரிவாக்க திட்டங்களுக்கு தேவையான நிதியை திரட்ட ஆதித்யா பிா்லா சன் லைஃப் முடிவு செய்துள்ளது. இதற்கான அனுமதி கோரி உரிய ஆவணங்களுடன் செபிக்கு ஏப்ரல் 19-ஆம் தேதி விண்ணப்பம் சமா்ப்பிக்கப்பட்டுள்ளது.
புதிய பங்கு வெளியீட்டில் ரூ.5 முகமதிப்பு கொண்ட 28,50,880 பங்குகளை விற்பனை செய்ய ஒப்புதல் அளிக்கப்பட்டுள்ளது என ஆதித்யா பிா்லா கேப்பிட்டல் தெரிவித்துள்ளது.
கடந்த 2020 செப்டம்பா் 30-ஆம் தேதியுடன் நிறைவடைந்த காலாண்டில் ஆதித்யா பிா்லா சன் லைஃப் ஏஎம்சி உள்நாட்டில் ரூ.2,38,000 கோடி மதிப்பிலான சொத்துகளை நிா்வகித்து வருவது குறிப்பிடத்தக்கது.