சென்னை: இந்தியா சிமெண்ட்ஸ் நிறுவனத்தின் முதல் காலாண்டு நிகர லாபம் இரண்டு மடங்கு அதிகரித்து ரூ.56 கோடியை எட்டியுள்ளது.
இதுகுறித்து அந்த நிறுவனம் பங்குச் சந்தையிடம் புதன்கிழமை தெரிவித்துள்ளதாவது: 2021 ஜூன் மாதத்துடன் முடிவடைந்த காலாண்டில் நிறுவனத்தின் ஒட்டுமொத்த நிகர லாபம் ரூ.56 கோடியாக இருந்தது. இது, முந்தைய நிதியாண்டின் ஏப்ரல்-ஜூன் காலாண்டில் ஈட்டிய லாபம் ரூ.26 கோடியுடன் ஒப்பிடும்போது இரண்டு மடங்குக்கும் மேல் அதிகமாகும்.
கணக்கீட்டு காலாண்டில் வருவாய் ரூ.763.46 கோடியிலிருந்து 36.90 சதவீதம் அதிகரித்து ரூ.1,045.25 கோடியானது. மொத்த செலவினம் ரூ.743.04 கோடியிலிருந்து 32.30 சதவீதம் அதிகரித்து ரூ.983.11 கோடியானது.
கரோனா பேரிடா் நிறுவனத்தின் வழக்கமான வா்த்தக நடவடிக்கைகளில் பாதிப்பை ஏற்படுத்தியுள்ளதாக இந்தியா சிமெண்ட்ஸ் தெரிவித்துள்ளது.