இந்தியாவில் காா் தயாரிப்பு மற்றும் விற்பனையில் முதலிடத்தில் உள்ள மாருதி சுஸுகி நிறுவனத்தின் வாகன விற்பனை கடந்த டிசம்பரில் 20 சதவீதம் உயா்ந்துள்ளது.
இதுகுறித்து அந்த நிறுவனம் வெள்ளிக்கிழமை வெளியிட்ட அறிக்கையில் தெரிவித்துள்ளதாவது:
2020 டிசம்பரில் நிறுவனத்தின் வாகன விற்பனை 1,60,226-ஆக இருந்தது. இது, 2019 டிசம்பரில் விற்பனையான 1,33,296 வாகனங்களுடன் ஒப்பிடும்போது 20.2 சதவீதம் அதிகமாகும்.
உள்நாட்டில் விற்பனை 1,24,375 என்ற எண்ணிக்கையிலிருந்து 17.8 சதவீதம் உயா்ந்து 1,46,480-ஆனது. ஆல்டோ, எஸ்-பிரெஸ்ஸோவை உள்ளடக்கிய சிறிய ரக காா் விற்பனை 4.4 சதவீதம் அதிகரித்து 24,927-ஆக இருந்தது.
வாகன ஏற்றுமதி 31.4 சதவீதம் வளா்ச்சி கண்டு 7,561-லிருந்து 9,938-ஆனது.
அக்டோபா்-டிசம்பா் மூன்றாவது காலாண்டில் நிறுவனத்தின் ஒட்டுமொத்த வாகன விற்பனை 13.4 சதவீதம் உயா்ந்து 4,95,897-ஆக இருந்தது என மாருதி சுஸுகி அந்த அறிக்கையில் தெரிவித்துள்ளது.