புது தில்லி: பஜாஜ் ஆட்டோ வாகன விற்பனை சென்ற டிசம்பரில் 11 சதவீதம் அதிகரித்துள்ளது.
இதுகுறித்து அந்த நிறுவனம் திங்கள்கிழமை வெளியிட்டுள்ள அறிக்கையில் தெரிவித்துள்ளதாவது:
பஜாஜ் ஆட்டோ 2020 டிசம்பரில் 3,72,532 வாகனங்களை விற்பனை செய்துள்ளது. இது, 2019 டிசம்பரில் விற்பனையான 3,36,055 வாகனங்களுடன் ஒப்பிடுகையில் 11 சதவீதம் அதிகமாகும்.
உள்நாட்டில் நிறுவனத்தின் விற்பனை 1,53,163 என்ற எண்ணிக்கையிலிருந்து 9 சதவீதம் சரிவடைந்து 1,39,606-ஆனது.
நிறுவனத்தின் ஒட்டுமொத்த மோட்டாா்சைக்கிள் விற்பனை கணக்கீட்டு மாதத்தில் 2,84,802 என்ற எண்ணிக்கையிலிருந்து 19 சதவீதம் அதிகரித்து 3,38,584 என்ற எண்ணிக்கையைத் தொட்டது.
அதேபோன்று நிறுவனத்தின் ஏற்றுமதியும் டிசம்பரில் 27 சதவீதம் உயா்ந்து 2,32,926-ஆக இருந்தது. 2019 டிசம்பரில் ஏற்றுமதி 1,82,892-ஆக இருந்தது என பஜாஜ் ஆட்டோ அந்த அறிக்கையில் தெரிவித்துள்ளது.