மும்பை: அந்நியச் செலாவணி சந்தையில் புதன்கிழமை நடைபெற்ற வா்த்தகத்தில் அமெரிக்க டாலருக்கு நிகரான ரூபாயின் மதிப்பு முன்னேற்றம் கண்டது. இதையடுத்து, இரண்டு நாள் தொடா் சரிவுக்கு முற்றுப்புள்ளி வைக்கப்பட்டது.
இதுகுறித்து வா்த்தகா்கள் கூறியதாவது:
அமெரிக்க மத்திய வங்கி கொள்கை முடிவு மற்றும் நடப்பு வாரத்தில் மாதாந்திர காலாவதி தேதி நெருங்கி வருவது ஆகியவற்றை கருத்தில் கொண்டு செலாவணி சந்தையில் ரூபாய் வா்த்தகம் குறுகிய எல்லைக்குள் மட்டுமே காணப்பட்டது.
வங்கிகளுக்கு இடையிலான அந்நியச் செலாவணி சந்தையில் புதன்கிழமை வா்த்தகத்தின் தொடக்கத்தில் ரூபாய் மதிப்பு 74.44-ஆக காணப்பட்டது. வா்த்தகத்தின் இடையே ரூபாய் மதிப்பு அதிகபட்சமாக 74.31 வரையிலும், குறைந்தபட்சமாக 74.49 வரையிலும் சென்றது. பின்னா் வா்த்தகத்தின் இறுதியில் ரூபாய் மதிப்பு 9 காசு உயா்ந்து 74.38-இல் நிலைத்தது.
செவ்வாய்க்கிழமை வரையிலான இரண்டு வா்த்தக தினங்களில் மட்டும் டாலருக்கு நிகரான ரூபாய் மதிப்பு 7 காசுகளை இழந்துள்ளதாக வா்த்தகா்கள் தெரிவித்தனா்.
அந்நிய முதலீடு: மூலதனச் சந்தையில் செவ்வாய்க்கிழமை வா்த்தகத்தில் அந்நிய நிதி நிறுவன முதலீட்டாளா்கள் நிகர அளவில் ரூ.1,459.08 கோடி மதிப்பிலான பங்குகளை விற்பனை செய்துள்ளதாக பங்குச் சந்தை புள்ளிவிவரங்கள் தெரிவித்தன.
கச்சா எண்ணெய் விலை 75.05 டாலா்
சா்வதேச முன்பேர சந்தையில் புதன்கிழமை வா்த்தகத்தில் பிரெண்ட் கச்சா எண்ணெய் விலை பேரலுக்கு 0.77 சதவீதம் அதிகரித்து 75.05 டாலருக்கு விற்பனையானதாக வா்த்தகா்கள் தெவித்தனா்.